Walibi Holland

	Walibi Holland
	ferdivedaasjepark
	Tagong Walibi Holland
	logo
	lokaasje
lân	Nederlân
Provinsje	Flevolân
Gemeente	Dronten
plak	Biddinghuizen
adres	Spijkweg
koördinaten	52° 26' NB, 5° 45' EL
	bysûnderheden
type	Attraksjejepark
eigner	Compagnie des Alpes
iepen	1994
oerflak	40 ha; (+ 20 ha Walibi Village, + 80 ha Eveneminteterrein)
attraksjes	35
achtbanen	8
wetterattr.	3
wurknimmers	100 fêste meiwurkers
	skiednis
hist. namme	Walibi Flevo: 1994-1999,; Six Flags Holland: 2000-2004,; Walibi World: 2005-2011
iepening	7 maaie 1994
fuortk. út	Flevohof
	gebou
boujier	1994
	offisjele webside
	Webstee Walibi Holland
	kaart
	; Lokaasje Walibi Holland

Walibi Holland is in attraksjepark, lizzend yn Biddinghuizen (gemeente Dronten) yn de Nederlânske provinsje Flevolân. Foarhinne hjitte dit park "Walibi World", dêrfoar "Six Flags Holland", dêrfoar "Walibi Flevo", wylst it park starte as "Flevohof".

Under de namme de "Flevohof" is it park begûn as buorkerijpark dêr't stedslju yn 'e kunde komme koene mei de lânbou. Oarspronklik soe it park yn Lelystêd fêstige wurde. Doe't de "Flevohof" yn 1991 fallyt gie, waard it terrein oernaam troch de "Walibi Group" en bouden it terrein nei it seizoen 1992 om ta "Walibi Flevo" dat yn 1994 iepen gie. Dizze groep waard yn 1998 oernaam troch "Premier Parks" en it park feroare yn 2000 yn "Six Flags Holland". Fan seizoen 2005 oant en mei seizoen 2011 wie it park bekend ûnder de namme "Walibi World". Sûnt seizoen 2012 hjit it park "Walibi Holland". De measte attraksjes, wêrûnder in protte achtbanen en oare "thrill rides", binne boud yn de "Walibi Flevo"- en "Six Flags"-perioade.

Op it njonkenlizzende eveneminteterrein, oarspronklik ûntwikkele troch Skouting Nederlân foar de Europeeske Jamboree fan 1994, en de Wrâldjamboree fan 1995. Organisearre hja ek de Nasjonale Jamboree fan 2000, en ek de "Scout-Ins" fan 1990, 1992, 1995 en 1997 (in twajierliks wykeinvenemint foar frijwilligers fan Skouting Nederlân.). Ek waarden der alle jierren de "Scouting Fundays" organisearre. Yn 2015 waarden dizze hâlden yn Duinrell. Fierder is it sûnt 1993 de lokaasje fan it muzykfestival "Lowlands". sûnt 1996 fan de "kristlike konferinsje Opwekking", en sûnt 2003 hat it dancefestival "Defqon.1" hjir plak, yn 2007 waard it metalfestival "Fields of Rock" hjir organisearre.

Sûnt 2022 wurd it terrein ek regelmatig ynset om winterdeis Asylsikers op te fangen. Dêrfoar wurd dan troch it Sintraal Orgaan opfang asylsikers mei needgebouwen in asylsikersintrum boud, dat yn de maaitiid wer fuorthelle wurd.

Ferneamde Attraksjes

Namme	Iepene	Opm.
Goliath	2002	Langste achtbaan fan de Benelúks.
G-force	1998	Hat syn namme te tankjen oan de hoemannichte G-krêften.
Space Shot	1998	Sjit 57,5 m omheech op in 60 m hege toer.
Speed of Sound	2000
Condor	1993
El Rio Grande	1994
Blast	2000	De atraksje hjitte oant 2018 Excalibur
Untamed	2019	De houten ûndersteuningen fan de eardere houtene achtbaan op dy lokaasje de "Robin Hood" binne op 'e nij brûkt.
Crazy River	1994	Ien fan de Nederlânske beamstamattraksjes dy 't sawol foarút as efterút giet.