Duinrell

Duinrell
ferdivedaasjepark
Rick de Kikker
lokaasje
lân	Nederlân
Provinsje	Súd-Hollân
Gemeente	Wassenaar
plak	Wassenaar
adres	Duinrell
koördinaten	52° 8' N, 4° 22' E
Slogan	Duinrell, Daar kikker je van op!
bysûnderheden
type	Attraksjepark, Fakânsjepark, Swimbad
eigner	famylje van Zuylen van Nijevelt
iepen	1935
oerflak	110 ha
attraksjes	41
achtbanen	3
wetterattr.	4
offisjele webside
duinrell.nl
kaart
Lokaasje fan Duinrell yn Súd-Hollân

Duinrell is in fakânsjepark yn Wassenaar, yn de provinsje Súd-Hollân dat oprjochte is yn 1935. Der lizze in bungalowpark en in camping, mar Duinrell is dochs foaral bekend om har attraksjepark mei it byhearrende swimbad it Tikibad.

Duinrell hat in kikkert as maskotte en har reklamekreet is "Duinrell, dêr kikkertst fan op". De maskotte hjit Rick de Kikkert en komt geregeld werom yn de reklames fan it park.

Attraksjes

Hjoeddeiske attraksjes

Namme		Iepene	Opm.
	Aqua Shute	1990	Hjirby rûtst in boatsje fan in helling ôf. Underoan stiet op in boerd de snelheid te lêzen.
	Aqua Swing	1989	In sweefmole. Op de grûn steane inkele fonteinen.
	Botsboatsjes	1983	Giele, reade, griene en blauwe boatsjes. In soarte fariaasje op de bekende botsauto's.
	Dragonfly	2012	Stielen achtbaan
	Karrûssel	1984	In karrûssel út de 19e iuw.
	Kikkerrad	1992	reuzerêd
	Kears	2004	Troch in tou kinne besikers harsels op-en-del gean litte
	Falcon	2009	In stielen achtbaan
	Locomotion	2000	In rûnrit yn de styl fan it Wylde Westen.
	Mad Mill	2001	Dit is in "frisbee".
	Monorail	1986	In monorail, wêrby't sels trape wurde moat.
	Katapults	1999	oant 2022 moast der bybetelle wurde foar dizze attraksje.
	Rodelbaan	1984	In rodelbaan,
	Schip Ahoi	2004	In skommelskip
	Splash	1992	wetterattraksje dy't yn in iepen en yn in sletten boat mooglik is.
	Tobbedanser	2024	Teekopkes attraksje
	Waterspin	1996	Topspin
	Duinrell Express	2025	De Duinrell Express ferfangt yn 2025 de Minitrein, de ferneamde atraksje út 1977, tema is itselde bleaun.
	Kikker8chtbaan	2026	De Kikker8chtbaan ferfangt yn 2026 de Kikkerachtbaan, de ferneamde achtbaan út 1985

Ferdwûne attraksje

Namme		Iepene	Ofbrútsen	Opm.
	Bumperfrogs	1990	2019	Dit wiene botsauto's.
	Minitrein	1977	2025	In treinritsje troch in "trollegrot". Ferfongen troch de Duinrell express.
	Kikkerachtbaan	1985	2025

Rick's Delight

Duinrell hie plannen om yn 2007 in nije achtbaan fan de Dútske firma Gerstlauer te iepenjen, mar krige gjin fergunning fan de gemeente. De fergunningsoanfraach foar de Rick's Delight is op 7 maaie 2008 troch de Ried fan Steat ôfwiisd fanwege fouten by ferskate mjittings yn it ûntwerp. Op 7 jannewaris 2009 is it bestimmingsplan dochs goedkard, wat betsjut dat der begûn wurde kin mei de bou fan de achtbaan, wêrnei't de bou útein sette. Op 14 maaie 2009 is de achtbaan iepen gien ûnder de namme: Falcon.

Batflyer

De Batflyer wie in hingjende achtbaan (Single Suspended Coaster) mei ien inkele rail en 850 meter lang. De Batflyer wie oplevere yn 1997, mar is yn 2002 sloopt, wylst er nea iepen west hat. De karkes (yn de foarm fan in flearmûs) gienen op sommige punten te hurd, en by de bocht foar it stasjon te stadich, sadat de karkes nea it stasjon berikten. De attraksje waard meardere kearen oanpast, mar koe net foldwaan oan de feilichheidseasken, en is sloopt yn 2002, mei in úteinlike skeapost fan 2 miljoen gûne. De firma fan de achtbaan, Caripro, gie by de bou fallyt.

Der binne wurkjende modellen fan it type Batflyer, mar mei dy yn Duinrell gie it mis, omdat dizze oars wie (mooglik om sa min mooglik beammen kappe te hoegen).

Fan de Batflyer is allinnich noch it stasjon oer, wêryn't no in stasjontsje sit foar in trein en der siet in souvenirwinkel. Yn it stasjon is noch in komplete regelynstallaasje te sjen.

Iten

Fan begjin 2009 ôf wurdt de hiele catering yn Duinrell, fersoarge troch La Place. Alle ytgelegenheden yn it park geane fia La Place.

Boarnen, noaten en/as referinsjes:

Offisjele webside Duinrell RollerCoaster DataBase Databank Rollercoasters Luchtfoto (Google Maps)