Walburgatsjerke (Droegeham)

Ut Wikipedy
Jump to navigation Jump to search
Walburgatsjerke
Droegeham, Walburga-Tsjerke.jpg
lokaasje
lân Flag of the Netherlands.svg Nederlân
provinsje Frisian flag.svg Fryslân
gemeente Flag of Achtkarspelen.svg Achtkarspelen
plak Droegeham wapen.svg Droegeham
adres Tsjerke Buorren 4
bysûnderheden
type bouwurk Tsjerke
boujier Toer 13e iuw, tsjerke twadde helte 19e iuw
oare ynformaasje
webside Side PKN Droegeham
Kerk en Toren.JPG

De Walburgatsjerke is de eardere herfoarme en tsjintwurdich ien fan de twa PKN-tsjerken yn Droegeham. It tsjerkegebou is in ryksmonumint.

Skiednis[bewurkje seksje | boarne bewurkje]

De earste tsjerke fan Droegeham datearre út it begjin fan de 13e iuw. It wie in romaansk bouwurk mei in healrûn sletten koer en smelle rûnbôgeramen. De tsjerke ûndergyng nei alle gedachten oan it begjin fan de 14e iuw in ferbouwing yn romano-gotyske styl. Letter krige de súdlike kant fan it skip gruttere finsters. De tsjerke rekke yn de 19e iuw slim yn ferfal en mocht ôfbrutsen wurde, ûnder it betingst dat de tsjerke op'e nij boud waard yn de oarspronklike styl. Dêr wie it tsjerkefolk ynearsten mar min oer te sprekken, want de lytsere romaanske ramen fan de nijbou lieten net in soad deiljocht troch. De earste stienlizzing fan de nijbou fûn plak op 12 juny 1876.

Op 1 febrewaris 1983 raasde in swiere stoarm oer it lân en in grut part fan de bûtenmuorre fan de toer stoartte doe yn. Tusken 1984 en 1985 wie de restauraasje.

Nei in skieding fan 175 jier fusearre de grifformearde en de herfoarme gemeente op 12 desimber 2010 ta de Protestanske Gemeente Droegeham. Droegeham wie ien fan de earste gemeenten dy't meigong yn de ôfskieding fan 1834.

De Hamster Walburga-Tsjerke is de iennige tsjerke yn Fryslân dy't oan de hillige Walburga wijd is.

Toer[bewurkje seksje | boarne bewurkje]

De fan giele en reade stien boude toer is romaansk en stammet út it begjin fan de 13e iuw. De 19,20 meter hege sealtektoer is oan de eastlike en westlike kant fan de dakrâne dekorearre mei rûnbôgefriezen en hat smelle romaanske kloksgatten. Boppe op de toer is in wynwizer mei in hynderke ynstee fan de wênstige hoanne. De klok waard yn 1943 troch de Dútsers foardere en kaam net werom. Doarpsbelang soarge nei de Twadde Wrâldkriich foar in nije klok yn de toer.

Oargel[bewurkje seksje | boarne bewurkje]

It oargel waard yn 1921 boud troch A.S.J. Dekker fan Goes. Foar de bou waarden ûnderdielen fan in âlder oargel brûkt.[1]

Keppeling om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: