Tuitjenhorn

	Tuitjenhorn
	Tsjerke fan Tuitjenhorn
	Bestjoer
Lân	Nederlân
Provinsje	Noard-Hollân
Gemeente	Skagen
	Sifers
Ynwennertal	3.880 (1 jannewaris 2023)
	Oar
Ferkearsieren	N245
Tiidsône	UTC +1
Simmertiid	UTC +2
Koördinaten	52° 44' N, 4° 45' E
	Kaart
	;
	Kaart
	Himrik fan Tuitjenhorn yn de eardere gemeente Harenkarspel

Tuitjenhorn is in doarp yn de gemeente Skagen yn de Nederlânske provinsje Noard-Hollân yn de krite West-Fryslân. It is in agrarysk doarp en leit justjes noardlik fan Warmenhuizen. It doarp wie it haadplak fan de yn 2013 ophefte gemeente Harenkarspel. Under it doarp falle de buorskippen Kalverdijk, Kerkbuurt en Zijbelhuizen.

Tuitjenhorn hat 3.880 ynwenners (1 jannewaris 2023).

Skiednis

Tuitjenhorn ûtstie mooglik om 1000 n.Kr. hinne. Yn 'e omkriten wiene ferskate lytse terpkes. Tuitjenhorn ûntsie by in dyk del, dy't hjoed-de-dei noch hieltyd bestiet. Tuitjenhorn en de buorskip Zijbelhuizen woeksen it haaddoarp Heringcarspel (Harenkarspel), it hjoeddeistige Kerkbuurt, foarbij.

It doarp waard foar it earst neamd 1280-1287 as Tutinghehorne, yn 1289 as Tutinchorne, yn 1338 as Tutingehorne, yn 1343 as Oytetshorne, 1395-1396 as Tutinghorn, yn 1421 as Tuijtgenhorn, yn 1665 as Tuetin horn en 1680 as Tuytgenhorn. De namme is mooglik in gearstalling fan horn (hoeke, útpûljend stik lân of útspringende bocht, te ferlykjen mei it Fryske "herne") en in earste part, dat ôflaat is fan in toponym Tutinghe, in ôflieding mei it taheaksel -ing fan toet, tuit, in stik lân mei in spitsich ein, of fan 'e persoanenamme Tuto en bestjut dan "lju fan Tuto".^[2]

De katolike tsjerke mei Sint-Kristina as patroanhillige stie doe al yn Harenkarspel. Yn Harenkarspel gie de tsjerke nei de Reformaasje oer nei de protestanten en waard yn 1923 ôfbrutsen. De katolike tsjerke fan Tuitjenhorn, wijd oan de hillige Jakobus de Meardere waard yn 1858 yn gebrûk nommen. In soad materiaal en ek it oargel waard út in earder gebou helle en fannijs brûkt. Yn 1874 krige de tsjerke in nij oargel fan L.S. Ypma.^[3]

Tuitjenhorn wie oant 2013 it haadplak fan de gemeente Harenkarspel, dy't doe fusearre mei de gemeenten Skagen en Zijpe ta de nije gemeente Skagen.

It besjen wurdich

Roomsk-katolike tsjerke fan 1859
It patronaatgsgebou, letter doarpssintrum Ahoj
Bistepart Blankendaell
Mûne fan Piet.

Nijsgjirrich

In bynamme fan de doarpen Warmenhuizen en Tuitjenhorn is Waarmetuut.

Galery

Foargevel fan in pleats
Mûne fan Piet
It eardere gemeentehûs fan Harenkarspel

Berne yn Tuitjenhorn

Gerard Kuiper (1905-1973), Amerikaansk astronoom fan Nederlânsk komôf
Daniella van Graas (1975), model en aktrise
Celeste Plak (1995), follybalster
Fabian Plak (1997), folleyballer
Femke Meines (2000), winnares fan it Junior Songfestival 2012

Boarnen, noaten en referinsjes

Boarnen, noaten en/as referinsjes:

↑ CBS, Tabel: Bevolking; maandcijfers per gemeente en overige regionale indelingen (1 jannewaris 2021).
↑ G. van Berkel, K. Samplonius, Nederlandse plaatsnamen verklaard (2018).
↑ Tuitjenhorn, Kerk van de Heilige Jacobus de Meerdere. Oproppen op 3 maart 20243 maart 2024.

Ofbylden dy't by dit ûnderwerp hearre, binne te finen yn de kategory Tuitjenhorn fan Wikimedia Commons.

52° 44' N, 4° 45' E

	Gemeente Skagen
Stêd: Skagen
Doarpen: Burgerbrug • Callantsoog • Dirkshorn • Eenigenburg • Groenveld • Krabbendam • Oudesluis • Petten • 't Rijpje • Skagerbrêge • Schoorldam (foar in part) • Sint Maarten • Sint Maartensbrug • Sint Maartensvlotbrug • Sint Maartenszee • Stroet • Tjallewal • Tuitjenhorn • Valkkoog • Waarland • Warmenhuizen • 't Zand
· ·

[1] CBS, Tabel: Bevolking; maandcijfers per gemeente en overige regionale indelingen (1 jannewaris 2021).

[2] G. van Berkel, K. Samplonius, Nederlandse plaatsnamen verklaard (2018).

[3] Tuitjenhorn, Kerk van de Heilige Jacobus de Meerdere. Oproppen op 3 maart 20243 maart 2024.

[1]

[2]

[3]