Tsjerke fan de Feriene Kristlike Gemeente

	Tsjerke fan de Feriene Kristlike Gemeente
	Lokaasje
provinsje	Fryslân
gemeente	Noardeast-Fryslân
plak	Dokkum
adres	Legewei 14
koördinaten	53° 19' N 5° 59' E
	Tsjerklike gegevens
tsjerkegenoatskip	PKN
	Arsjitektuer
arsjitekt	Th. Romein
boujier	1852
boustyl	Neoklassisisme
monumintale status	ryksmonumint
monumintnûmer	13153
	Webside
	Side Feriene Kristlike Gemeente
	Kaart
	;

De Tsjerke fan de Feriene Kristlike Gemeente is in mienskiplik tsjerkegebou fan de mennisten en remonstranten yn Dokkum.

Skiednis

De tsjerke waard yn 1852 boud foar de Feriene Kristlike Gemeenten fan mennisten en remonstranten. Yn dy tiid wie de gearwurking fan mennisten en remonstranten unyk. Yn 1796 hie de Remonstrantske Bruorskip alle protestantske tsjerken útnoege om ien te wurden. Dat wie yn dy tiid foar de tsjerken noch in brêge te fier en it slagge allinne yn Dokkum om mennisten en remonstranten te ferienigjen.

Fanwegen de ôfnimmende ledetallen fan mennisten en remonstranten wurdt der hjoeddedei ek op in soad oare plakken gearwurke, somtiden oanfolle mei de frijsinnich herfoarmen en it Nederlânske Protestantenbûn.

De tsjerke is in neoklassisistysk ûntwerp fan de arsjitekt Thomas Romein, dat basearre wie op de tsjerke fan Terbant út 1843. De nijbou ferfong doe in âldere fermanje út 1740 op itselde plak, dat earder yn de plak kommen wie fan in skûltsjerke út 1655 oan de Aldemansstege.

Boppe de tagong fan de tsjerke is de tekst Een is uw meester en gy zyt allen broeders oanbrocht.

Ynterieur

It tige ienfâldige ynterieur wurdt fan in houten tonferwulft oerdutsen.

Oargel

It oargel waard yn 1863 boud troch L. van Dam. By de bou fan it oargel waard njonken âldere pipen ek it besteande front út 1852 fan Willem Hardorff brûkt.

Keppeling om utens

Disposysje oargel

Boarnen, noaten en referinsjes

Boarnen, noaten en/as referinsjes:

Wikimedia Commons

Ofbylden dy't by dit ûnderwerp hearre, binne te finen yn de kategory Tsjerke fan de Feriene kristlike gemeente, Dokkum fan Wikimedia Commons.