Sybe I. Rispens
Sybe Izaak Rispens (Dokkum, 17 april, 1969) is in Nederlânske publisist, wittenskipper en ûndernimmer fan Frysk komôf.
Underwiis en wurk
[bewurkje seksje | boarne bewurkje]Rispens waard op 17 april 1969 yn Dokkum berne. Hy helle syn bachelor elektrotechnyk oan de Noardlike Hegeskoalle Ljouwert, wêrnei't er syn masteroplieding oan de TU-Twinte helle. Hy helle yn 1996 syn Master yn de Wittenskipsfilosofy oan de Universiteit fan Amsterdam. Yn 2005 promovearre Rispens op it proefskrift Machine Reason: A History of Clocks, Computers and Consciousness.
Rispens skriuwt in soad en leveret bydragen oan ûnder mear de Nederlânske tydskriften Natuurwetenschap en Techniek, Intermediair en NRC Handelsblad, en de Dútske krante Die Zeit en de Switserske krante Neue Zürcher Zeitung. Hy hat ferskate boeken publisearre, wêrûnder Einstein in Nederlâad: Een intellectuele biografie yn 2006 en The Communication Revolution: New Perspectives on Photonics yn 2010.
Yn 2007 rjochte Rispens it IT- en softwarebedriuw knowledgeatwork op, dat spesjalisearre is yn feilige, GxP-sertifisearre software en de ûntwikkeling fan yndustriële tapassings fan AI-algoritmen. Yn 2011 wie Rispens mei-oprjochter fan it Institut für Wissenschafts- und Technologiekommunikation GmbH (IWTK) yn Berlyn, in partikulier bedriuw dat him rjochtet op ynnovaasjeprosessen yn ûndersyks- en technologyrjochte organisaasjes.
Publikaasjes
[bewurkje seksje | boarne bewurkje]- Einstein in Nederland. Een intellectuele biografie, Ambo: Amsterdam 2006, 242 siden.
- The Communication Revolution: New Perspectives on Photonics, Technyske Universiteit Eindhoven: Eindhoven, 2010
- Machine Reason. Clocks, Computers and Consciousness, Grins, 2005, 252 s.
Keppelingen om utens
[bewurkje seksje | boarne bewurkje]| Boarnen, noaten en/as referinsjes: |
|