St. Helen's Bishopsgate

Ut Wikipedy
Jump to navigation Jump to search
St. Helen's Bishopsgate

De St. Helen's Bishopsgate is in protestantske tsjerke oan de Bishopsgate yn it histoaryske hert fan de Ingelske haadstêd Londen.

Skiednis[bewurkje seksje | boarne bewurkje]

Ynterieur

De tsjerke datearret út de 12e iuw en waard foar it earst neamd yn 1210 as in twaskepige tsjerke fan de Benediktinen.

Oant de opheffing fan de priorij yn 1538 wie de tsjerke yn twa dielen opdield. It noardlike diel bleau foarbeholden oan de nonnen en it súdlike diel wie foar it gewoane tsjerkefolk ornearre. It is it iennige gebou fan in frouenkleaster, dat hjoeddedei noch yn de City of London te finen is. De lêste kleastergebouwen waarden yn 1799 ôfbrutsen.

De goatyske tsjerke waard yn de jierren 1891-1893 restaurearre.

De tsjerke is ien fan de net folle tsjerken dy't de Grutte brân fan Londen yn 1666 en de bommen op de stêd yn de Twadde Wrâldkriich oerlibbe. Yn 1992 en 1993 waard de tsjerke lykwols swier skeind troch it ôfgean fan IRA-bommen yn de omjouwing. It dak fan de tsjerke waard optild, alle ruten sneuvelden, wêrûnder in midsiuwsk raam. De krêft fan de bommen skansearren boppedat it oargel en de tombe fan Sir Julius Caesar Adelmare.[1]

De tsjerke ûngergyng dêrnei in slagge restauraasje, alhoewol't in protte fan de âldere monuminten yn de tsjerke folslein ferneatige wiene.

In ferneamd tsjerkelid fan de St. Helen's wie William Shakespeare.[2]

Keppeling om útens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: