Little, Brown Book Group

Ut Wikipedy
(Trochwiisd fan Sphere Books)
Jump to navigation Jump to search
Little, Brown Book Group
Little, Brown Book Group logo.png
algemien
nasjonaliteit Flag of the United Kingdom.svg Britsk
type privaat
sektor útjouwerij
haadkertier Londen (Ingelân)
oprjochte 1992
eigner Lagardère Group
fuortk. út MacDonald Futura
mem Hachette UK
dochters sjoch ûnder ymprints
offisjele webside
www.littlebrown.co.uk

De Little, Brown Book Group is in Britske útjouwerij, dy't yn 1992 ûntstie by de oankeap troch it Amerikaanske Little, Brown and Company fan 'e Britske ymprint MacDonald Futura. De Little, Brown Book Group makket ûnderdiel út fan Hachette UK, de Britske difyzje fan 'e Frânske útjouwerij Hachette Livre.

Skiednis[bewurkje seksje | boarne bewurkje]

MacDonald Books waard oprjochte yn 1938, en Futura Books yn 1973. Nei de fúzje yn 1979 waard MacDonald Futura oernommen troch Maxwell Communications, dat it bedriuw yn 1992 trochferkocht oan 'e Amerikaanske útjouwerij Little, Brown and Company. MacDonald Futura waard dêrnei omneamd ta de Little, Brown Book Group, dat de Britske difyzje fan Little, Brown and Company waard.

Yn 2006 ferkocht Time Warner syn útjouwersdifyzje, dêr't ek Little, Brown and Company ûnder foel, oan 'e Frânske útjouwerij Hachette Livre, dy't ûnderdiel is fan 'e Lagardère Group. Hachette Livre keppele de Little, Brown Book Group los fan 'e Amerikaanske memme-ûndernimming, en brocht de útjouwerij ûnder by Hachette UK, syn Britske difyzje, wylst Little, Brown and Company by de Hachette Book Group, de Amerikaanske difyzje, kaam te hearren.

De Little, Brown Book Group jout û.m. de boeken foar folwoeksenen fan skriuwster J.K. Rowling út, en yn 2013 kaam der ek de autobiografy I Am Malala út, fan Nobelpriiswinneresse Malala Yousafzai.

Ymprints[bewurkje seksje | boarne bewurkje]

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: Notes and References en Bibliography, op dizze side.