Slach by Mounesyl
| ||||||||||||||||||||||||||||||||||
De slach by Mounesyl wie in fjildslach yn de Donia-oarloch en fûn plak op freed 11 oktober 1463. It gefjocht hat him ôfspile by de Mounesyl of Molesyl oan de Leppedyk by de rivier de Boarn. Tsjintwurdich stiet op dat stee in âld hûs fan in pleats, mar yn eardere tiden wie der in wetterkearing en besuden derfan wie in kleaster dat it kleaster Ealsum neamd waard.
De slach
[bewurkje seksje | boarne bewurkje]Yn âlde kroniken is sprake fan in slach dêr't Jancko Douwema him ferskûle yn it kleaster en syn tsjinstanners de Donias fersloech.
Jancko Douwema dy't him mei syn manlju yn it kleaster ferskûle hie, waard by de Mounesyl oanfallen troch de legermacht fan de Donias. Dy hienen har mei in protte befreone eallju fanút Jirnsum oer de Leppedyk nei it kleaster setten.
Lykwols die Jancko Douwema hommels in dryste útfal dêr't er syn fijân mei op de ferkearde skonk sette en har op de flecht triuw. Neffens Fryske skiednisskriuwer Thabor foel it oantal slachtoffers hiel bot mei, mar 7 knechten en ien haadling skeat it libben derby yn.
| Boarnen, noaten en/as referinsjes: |