Skarl (band)

Ut Wikipedy
Jump to navigation Jump to search

De band Skarl is sûnt 1996 in muzykselskip út de Súdwesthoeke. De groep bestiet yn 2011 út de muzikanten Philippus Feenstra (gitaar, banjo & mandoline), Peter Kamping (basgitaar) en Pieter Kurpershoek (sang en gitaar) Pieter Feenstra (slachreau), Paul van Dijk (toetsen), Rudy Lobisch (saksofoans)en Benedictus van der Veen (tromboane en bariton). Skarl makket alternative Fryske en Nederlânske teatermuzyk. Se meitsje rûge eigensinnige muzyk mei dwers sketterjend koper, hakjende ritmes, protteljende potten en pannen, grinende gitaren, in fermôge oargeltsje en kombinaasje mei skuorjende en raspjende sjongpartijen. Der sit in soad swarte humor en selsspot yn.

Skiednis[bewurkje seksje | boarne bewurkje]

De namme Skarl komt fan de prosesmjittige wize fan wurkjen. Lykas ‘Jan fan 'e Strjitte’ syn kost by elkoar skarrelt, sa skarrelt Skarl klanken, wurden en âlde ynstruminten by elkoar op 'e siik nei de rook, de smaak en de kleur.

Skarl trede al op foar 3FM, ûnder oare yn it VPRO-programma Club Lek (oktober 2003). Yn 2000 wûnen se it festival Liet mei it nûmer ‘Jan fan de strjitte’ en yn febrewaris 2000 spilen se by de weriepening fan it Jopie Huisman Museum yn Warkum. Alternative lokaasjes dêr't se optreden hawwe binne de earste ferdjipping fan de Aldehou, de lêsseal fan Tresoar en de Teatertún yn Riis.

Teaterproduksjes[bewurkje seksje | boarne bewurkje]

  • Ajaks (1998, yn gearwurking mei SULT;
  • Biedermann en de Brânstichters (2000), yn gearwurking mei Janny van der Veen);
  • Breewar (2002), mei De Paupers.

Yn 2004 trede Skarl op mei it muzykteaterprogramma ‘Skilderij’, de muzyk dêrfân ferskynde op CD. It wie de reden om Skarl te nominearjen foar de Fryske Poppriis fan 2005. Skarl waard ek nominearre foar de Bernlefpriis yn 2002, foar de bysûndere foarmjouwing fan de produksje fan de twa miny cd ’s: Mins (1998, eigen behear) en ‘Biedermann en de Brânstichters’ (2000, eigen behear). Yn 2008 hat harren fideoklip Sear dien seis wiken yn de Top-3 fan Klipkar fan Omrop Fryslân stien.

In augustus 2005 hat Sjoerd Kramer Skarl ferlitten, hy is opfolge troch Peter Kamping.

Diskografy[bewurkje seksje | boarne bewurkje]

  • Hotel Korsakov

Boarnen, noaten en referinsjes[boarne bewurkje]

Boarnen, noaten en/as referinsjes: