Skai Jackson
| Skai Jackson | ||
 akteur
| ||
| ||
| persoanlike bysûnderheden | ||
| echte namme | Skai Jackson | |
| nasjonaliteit |  Amerikaansk
| |
| berne | 8 april 2002 | |
| berteplak | New York (New York) | |
| etnisiteit |  Afro-Amerikaansk
| |
| jierren aktyf | 2007 – no | |
| offisjele webside | ||
| gjint | ||
Skai Jackson (New York, 8 april 2002) is in Amerikaansk berne-aktrise fan etnysk Afro-Amerikaansk komôf. Hja is it bekendst wurden mei har rol as Zuri Ross, yn 'e tillefyzjekomeedzjesearje Jessie, dy't produsearre wurdt troch de Disney-studio's.
Libben en karriêre
[bewurkje seksje | boarne bewurkje]Jackson waard yn 2002 berne yn New York. Hja sette har karriêre útein as bernemodel en wurke as sadanich mei oan withoefolle Amerikaanske reklamespotsjes.
Har earste grutte aktearrol hie Jackson yn 'e film Liberty Kid, út 2007, doe't se noch mar fiif jier wie. Neitiid spile se ek yn films as Rescue Me, út 2008, en The Rebound, út 2009. Ek yn 2009 wie Jackson as stimaktrise belutsen by de animearre pjuttesearje Bubble Guppies, yn 'e rol fan Little Fish. Yn 2010 en 2011 hie se gastrollen yn 'e tillefyzjesearjes Team Umizoomi, Royal Pains en Boardwalk Empire. Fierders wie se as figurante te sjen yn 'e films Arthur en The Smurfs (beide út 2011).
Yn 2011 waard Jackson cast yn 'e rol fan Zuri Ross, yn 'e Disney-komeedzjesearje Jessie, mei yn 'e titelrol Debby Ryan, en mei Peyton List as Jackson har âldere suster Emma Ross. Fierders hie Jackson yn 2013 in crossover-gastrol (as Zuri Ross) yn 'e Disney-rige Good Luck, Charlie. En yn 2014 wurke se as stimaktrise mei oan 'e earste ôflevering fan Ultimate Spider-Man. Yn 2015 waard bekendmakke dat de rige Jessie nei dat seizoen ophâlde soe, mar dat Jackson, List en Karan Brar deselde rollen wer opnimme soene yn in noch ûntitele spin-off-rige.
Keppelings om utens
[bewurkje seksje | boarne bewurkje]| Boarnen, noaten en/as referinsjes: | ||
|
Foar boarnen en oare literatuer, sjoch ûnder: References, op dizze side.
|
