Sint-Sarkiskatedraal (Jerevan)

Ut Wikipedy
Springe nei navigaasje Springe nei sykjen
Sint-Sarkiskatedraal

Սուրբ Սարգիս Մայր Եկեղեցի

It hjoeddeiske oansjen fan de katedraal
It hjoeddeiske oansjen fan de katedraal
lokaasje
lân Flag of Armenia.svg Armeenje
plak Yerevan coa.gif Jerevan
adres 21 Israelyan strj., distrikt Kentron
bysûnderheden
type bouwurk Katedraal
boujier 1835-1842
arsjitekt Rafael Israelyan (renovaasje)

De Sint-Sarkiskatedraal (Armeensk: Սուրբ Սարգիս Մայր Եկեղեցի; Surp Sarkis Mayr Yekeghetsi) is in katedraal yn de Armeenske haadstêd Jerevan. It is de haadsit fan it Patriarchale Bisdom fan Ararat fan de Armeensk-Apostoalyske Tsjerke. De katedraal stiet oan de lofterkant fan de rivier Hrazdan yn it distrikt Kentron (sintrum).

Skiednis[bewurkje seksje | boarne bewurkje]

Foar it doarp Dzoragyugh en it âlde fort fan Jerevan oer stie sûnt it begjin fan it kristenjen fan it lân op de lofter kant fan de Hrazdan in hearremitenkleaster. It gyng om in grut kompleks, mei in hege fersterkte muorre der om hinne dat û.o. bestie út de tsjerken fan Sint-Sarkis, Gevork en Hakob, gebouwen foar de patriarchale skoalle en tsjinsten, oare gebouwen en in hôf mei fruitbeammen. De Sint-Sarkistsjerke wie de katedraal fan de patriarch, wylst yn it kleaster de gasten fan de patriarch waarden ûnderbrocht. Tsjerke en it kleaster waarden by de grutte ierdskodding fan 1679 ferneatige en op itselde plak ûnder de katolikos Edesatsi Nahabet (1691–1705) wer opboud. It tsjintwurdige gebou giet lykwols werom op nijbou yn de jierren 1835-1842.

De âlde Sarkiskatedraal foar de ferbouwing

De tsjerke waard ûnder katolikos Vasgen I yn 1972 neffens in ûntwerp fan de arsjitekt Rafael Israelyan renovearre en ferboud. De gevel waard beklaaid mei stiennen fan oranjekleurige Ani-dowestien en fan trijehoekige gevels foarsjoen. Nei de dea fan Israelyan op 8 septimber 1973 naam Ardzroun Galikian it wurk oer en ûnder syn lieding waard oant 1976 ek it ynterieur ferboud. Foar it tsjerkekoar waard yn it eastlike diel in galerij ynboud. De âlde koepel waard ferfongen troch in folle hegere toer mei in fâlddak. De tsjerke waard op 3 novimber 1976 op 'e nij plechtich ynwijd.

Yn 2000 waard in nije klokketoer tafoege.

De ferbouwing fan de katedraal wie mooglik troch in rynske donaasje fan de yn Londen wenjende Armeenjer Sarkis Kurkjian en syn soannen.

Boarnen, noaten en referinsjes[boarne bewurkje]

Boarnen, noaten en/as referinsjes:

Dizze side is alhiel of foar in part in oersetting fan de Ingelsktalige Wikipedyside; sjoch foar de bewurkingsskiednis: en:Saint Sarkis Cathedral, Yerevan