Singelbrêge (Harns)
| Singelbrêge Singelbrug | ||
| bouwurk | ||
| ||
| lokaasje | ||
| lân |  Nederlân
| |
| provinsje |  Fryslân
| |
| gemeente |  Harns (gemeente)
| |
| plak | Harns (stêd)
| |
| koördinaten | 53°10′28″ N 5°25′28″ E | |
| bysûnderheden | ||
| type bouwurk | brêge | |
| subtype | ophelbrêge | |
| boujier | 1908 | |
| oerbrêget | Noardeastersingel | |
| wei of spoar | Frjentsjerterein- Noarderkade | |
| monumintale status | ryksmonumint | |
| monumintnûmer | 385268 | |
| kaart | ||
  | ||
De Singelbrêge (Nederlânsk en offisjeel: Singelbrug) is in brêge yn 'e Fryske stêd Harns.[1][2][3] It is in mei bomen ôfslútbere ophelbrêge[3] oer de Noardeastersingel,[2] dy't de strjitten Frjentsjerterein en Noarderkade mei-inoar ferbynt.[2] De brêge waard yn 1908[1][2][3] oanlein troch de firma W.F. Penning út Kampen,[2][3] en hat de status fan ryksmonumint.[2][3] Bûten Harns is de Singelbrêge benammen bekend om't er oan 'e Alvestêderûte leit.[1][2]
Skaaimerken
[bewurkje seksje | boarne bewurkje]De Singelbrêge is in ophelbrêge dy't mei bomen ôfslútber is.[3] De fal, it middelste part fan 'e brêge dat iepen kin, bestiet út lizzers fan walst balkstiel, belein mei in houten dek.[3] De boppebou bestiet út oaninoar klonken gearstalde lizzers.[3] De oanbrêgen (de dielen oan wjerskanten fan 'e fal dy't net iepen kinne) hawwe mitsele, mei betonspeesje oansmarde, ienfâldich profilearre bôgen dy't oergeane yn in houten beskoeiïng.[3] Yn 'e izerne balustrade, dy't in strak Jugendstil-motyf hat, binne oan eltse sydkant fan 'e brêge twa getten izerne lantearnepeallen mei blommemotiven opnommen.[3]
Fernijing
[bewurkje seksje | boarne bewurkje]De Singelbrêge waard op 9 oktober 2017 fan 't plak helle foar in yngeande restauraasje.[2] Dat waard dien yn opdracht fan 'e Harnzer Monumintestifting.[2] De grutte dielen, lykas de balâns, it brêgedek en de hamei, koene nei it fuortheljen fan roast werompleatst wurde. In protte klinkneils moasten ferfongen wurde.[1] Ynstek fan it projekt wie om 'e brêge safolle mooglik yn âlde steat te behâlden.[2]
Mei subsydzje fan 'e Gemeente Harns en de Provinsje Fryslân en troch finansjele stipe fan in grut tal partikuliere stiftings wie it mooglik om 'e restauraasje te bekostjen,[2] net inkeld dy fan 'e Singelbrêge, mar ek dy fan 'e deunby sitewearre Frjentsjertereinsbrêge (yn 2016) en Easterbrêge (yn 2017).[2] De Singelbrêge waard ein maaie 2018 wer op syn plak set, wêrnei't noch in pear wiken fan ôfstellen en testen folgen. Op 18 juny waard er wer iepene foar ferkear.[2]
| Boarnen, noaten en/as referinsjes: |
|