Rock 'n Roll Festival Frjentsjer

Ut Wikipedy
Jump to navigation Jump to search
Rock 'n Roll Festival Frjentsjer
Rock 'n Roll Festival Franeker
plak en tiid
lân Flag of the Netherlands.svg Nederlân
provinsje Frisian flag.svg Fryslân
gemeente Flagge fan de Waadhoeke.PNG De Waadhoeke
plak Flagge fan Frjentsjer.PNG Frjentsjer
holden yn binnenstêd
tiid fan it jier begjin juny
bysûnderheden
soarte evenemint muzykfestival
sjenre rock 'n roll
bestean 20092019
offisjele webside
www.rocknrollfraneker.nl

It Rock 'n Roll Festival Frjentsjer (Nederlânsk en offisjeel: Rock 'n Roll Festival Franeker) wie in twadeisk muzykfestival yn 'e Fryske stêd Frjentsjer, dat ienris yn 't jier holden waard, yn begjin juny. Dit evenemint bestie sûnt 2009 en lei him ta op it oanbieden fan, sa't de namme al seit, rock 'n roll-muzyk. It begûn op freedtejûn en gie de hiele sneon troch. It wie fergees tagonklik, wat mooglik makke waard troch finansjele stipe fan in grut tal sponsors.

It festival fûn plak yn 'e iepen loft yn 'e Frjentsjerter binnenstêd, mei as festivalterrein It Sjûkelân, dêr't yn augustus de PC ferkeatst wurdt. It haadpoadium stie lykwols op it Riedhûsplein, lyk foar it Stedhûs fan Frjentsjer, en ek yn 'e Dykstrjitte wiene optredens.

Behalven muzyk bea it Rock 'n Roll Festival Frjentsjer ek Amerikaanske oldtimers en hotrods, en in bernemiddei mei û.m. in hoelahoopwedstryd. Fierders binne der rock 'n roll-dûnslessen te folgjen, en wie der in merke mei in rock 'n roll-hierknipper. Dêr koene froulju harren hier yn jierrensechstichstyl opföhne litte, wylst manlju har in Elvistûf oanmjitte litte koene. Yn 'e earste jierren makke ek in drive-inbioskoop ûnderdiel út fan it festival, mar dêr wie de organisaasje fan ôfstapt, om't men seach dat films it publyk op in stuit begûnen te ferfelen. Men besleat dêrop om it mar fral by muzykoptredens te hâlden.

Yn maart 1919 waard bekendmakke dat de tsiende edysje fan it Rock 'n Roll Festival Frjentsjer mei-iens ek de lêste wêze soe. "Om ferskate redens" hie it bestjoer besletten om op it hichtepunt op te hâlden.

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  • ――, Franeker maakt zich op voor Rock 'n Roll Festival, yn: de Frjentsjerter Krante, 30 maaie 2018, s. 3.
  • Joostema, Sybe, "Variatie maakt Franeker festival aantrekkelijk", yn: van Wad tot Stad, 29 maaie 2018, s. 25.
  • ——, Nog eenmaal een Rock 'n Roll Festival, yn: de Frjentsjerter Krante, 13 maart 2019, s. 13.