Rinnie Kuiper
| Rinnie Kuiper | ||
 keatser | ||
| persoanlike bysûnderheden | ||
| echte namme | Rintje Kuiper | |
| nasjonaliteit |  Nederlânsk | |
| bertedatum | 19 novimber 1927 | |
| berteplak | Makkum | |
| stjerdatum | 25 novimber 2007 | |
| stjerplak | Makkum | |
| etnisiteit |  Frysk | |
| sportive ynfo | ||
| PC | 1953 1959 | |
| debút | 1950 | |
| karriêre-ein | 1965 | |
| ekstra | 2× PC kening (1953, 1959) | |
| wichtige prestaasjes | ||
 goud 1x de Bond 1954 | ||
Rintje (Rinnie) Kuiper (Makkum, 19 novimber 1927 – dêre, 25 novimber 2007) wie in keatser. Yn de perioade 1950 - 1965 keatste hy 358 punten by elkoar foar it ivich keatsklassemint en waard 29 kear as kening útroppen.
Hy wie in efterynse dy’t bekend stie om syn ‘stuit’. Rinnie Kuiper stie bekend as de ‘sinasdrinker’. It wie in prinsipieel man dy’t ek wegere om as tsjinstplichtich soldaat nei Nederlânsk-Ynje te gean. By syn ferfangende tsjinst yn Limburch helle er de medalje by de titel ‘beste keatser fan Limburch’. Kuiper wurke as sjefskilder by Tichelaars Keninklike Makkumer Ierdewurk- en Tegelfabryk B.V. yn Makkum en wie yn 1988 fjirtich jier yn tsjinst by dy fabryk.
Hy wie mei syn rizige stal, brede riem en wite pet in tige kreas klaaide spiler yn it fjild. Hy toande him sportyf keatser en in goed ferliezer. De beskieden perkspiler hie in ‘ritige’ namme as opslagger, it wie faak alles of neat.
As 23-jarige wûn er yn 1950 de Rengersdei mei syn Ele van der Meij en Gerrit Rijpstra. By dizze ienige en earste priis fan dat jier waard hy kening.
Nei syn fjirde priis op de PC yn 1952 mei Jan Rodenhuis en Aebe Haima, wûn hy de PC fan 1953 mei de keatsfenomenen Hotze Schuil en Frans Helfrich. Yn 1954 wûn Kuiper mei syn doarpsgenoaten Albert Rinia en Durk Lemstra it Nederlânske kampioenskip foar de keatsferiening ‘Makkum’. Nei in tredde priis yn 1954, twa twadde prizen yn 1955 en 1956 en opnij in tredde priis yn 1957, wie der yn 1959 opnij winst. Yn 1965 kaam in ein oan syn keatskarriêre en waard hy trettjin jier lang skiedsrjochter mei as hichtepunt de 125ste PC yn 1978.
Rinnie Kuiper ferstoar op 25 novimber 2007, yn 'e âldens fan 80 jier, hy ferstoar op deselde dei as syn keatsmaat Hotze Schuil.
Prizen
[bewurkje seksje | boarne bewurkje]- 1951 - de Bond 7e priis
- 1952 - de Bond 3e priis
- 1952 - PC 4e priis
- 1953 - PC 1e priis +kening
- 1954 - de Bond 1e priis
- 1954 - PC 3e priis
- 1955 - PC 2e priis
- 1956 - de Bond 3e priis
- 1956 - PC 2e priis
- 1957 - de Bond 4e priis
- 1957 - PC 3e priis
- 1959 - de Bond 3e priis
- 1959 - PC 1e priis + kening
- 1961 - de Bond 3e priis
- 1962 - de Bond 2e priis
- 1963 - de Bond 7e priis
- 1964 - de Bond 7e priis
| Boarnen, noaten en/as referinsjes: |
|
|