Rieul fan Senlis
,_%C3%A9glise_Saint-Rieul,_b%C3%A2ton_de_confr%C3%A9rie_-_saint_Rieul.JPG)
Regulus (Rieul) fan Senlis (berne yn Grikelân, stoarn yn it jier 260 (?) yn Senlis) wie de earste biskop fan Senlis, Frankryk. Syn feestdei is op 30 maart.
Libben
[bewurkje seksje | boarne bewurkje]Faaks wie Regulus ien fan de gesellen fan Dionysius fan Parys en Lucianus fan Beauvais, dy't yn de Oise it evangeelje brochten. Somtiden wurde Regulus fan Senlis en Regulus fan Arles mei inoar betiizge. Guon boarnen, lykas it martyrologium, lizze út dat Sint-Regulus de biskop fan Arles wie en yn Senlis ferstoar, oaren hâlde it op twa ferskillende persoanen; de iene wie biskop fan Arles, de oare fan Senlis.
It bestean fan reliken op twa ferskillende plakken (Arles en Senlis) soe in bewiis wêze kinne dat de biskop fan Arles en de biskop fan Senlis twa ferskillende minsken wiene, mar der besteane folle faker ferskillende reliken fan ien en deselde hillige.
Reliken
[bewurkje seksje | boarne bewurkje]
De reliken fan Sint-Rieul wurde bewarre yn de katedraal fan Senlis. Yn 1999 binne se ûndersocht en de konklúzje wie dat der 12% kâns wie dat de reliken ôfkomstich wiene fan immen dy't yn it tiidrek 260-320 ferstoar, 65% yn it tiidrek 320-445 en 20% yn it tiidrek 445-535 ferstoar. Der fan útgeande dat it de reliken fan de earste biskop fan Senlis binne, soe it ûndersyk de konklúzje rjochtfeardigje dat de evangelisaasje fan de streek letter útein sette as earder oannommen. It kristenjen fan de streek yn 'e 4e iuw soe boppedat oannimliker wêze as de 3e iuw, dat wol hiel ier is foar de regio. Opgravings fan Marc Durand yn it Halatte-bosk by Senlis wize der op dat de gallo-romeinske timpel dy't dêr yn de 3e iuw noch brûkt waard pas yn de jierren 385-390 ferneatige waard. Om't it heidendom yn dy tiid noch net hielendal ferdwûn wie, is de timpel nei de ferneatiging dochs noch oant yn de jierren 400-425 brûkt, doe't it plak definityf ferlitten waard.
Oer de reliken is it folgjende mirakelferhaal optekene. De earste kristlike kening fan it lân, Klovis, kaam by syn grêf om te bidden en woe as oantinken wat fan de hillige meinimme. De biskoppen joegen permisje om in tosk út de tsjeak te loeken, mar in wûnder barde en de kake begûn dêrby te blieden. Klovis naam de tosk dochs mei, mar doe't de kening mei syn gefolch de stêd ferlitte woe, sletten de poarten harrensels, sadat de tosk werom brocht wurde moast.
Legindes
[bewurkje seksje | boarne bewurkje]De Frânske skriuwer Gérard de Nerval ferhelle yn 1854 oer in leginde út syn bernetiid. Neffens dy leginde kaam in mannichte by Rully byinoar om nei Regulus te harkjen. It leven fan kikkerts yn in tichtebylizzende fiver makke it preekjen lykwols ûnmooglik. Mei in gebear wist de apostel de kikkerts op ien nei allegear stil te krijen (kikkers binne lykas draken fakentiden metafoaren foar it heidendom, ferslein troch apostels lykas Regulus).
| Boarnen, noaten en/as referinsjes: | ||
|
Foar boarnen en oare literatuer, sjoch op dizze side.
|
