Reimerswaal (gemeente)

Reimerswaal is in gemeente yn 'e Nederlânske provinsje Seelân. De gemeente waard yn 1970 oprjochte en hie op 1 jannewaris 2026 23.385 ynwenners (boarne: CBS). en hat in oerflak fan 243,08 km² dêr't 133,89 km² fan wetter is.

De kearn Yerseke is bekend om 'e hannel yn moksels en oesters. Kruiningen wie bekend fanwegen it fear Kruiningen-Perkpolder, dat ûnderwilens ferfongen is troch de Westerskeldetunnel. Op it âlde terrein fan de fearboat wurdt de nije wenwyk Kruseveer boud.

De gemeente Reimerswaal ûntstie yn 1970 troch de gearfoeging fan 'e gemeenten Krabbendijke, Kruiningen, Rilland-Bath, Waarde en Yerseke. De gemeente is nei de midsiuwske stêd Reimerswaal ferneamd, dy't noardlik fan 'e hjoeddeiske gemeente lei yn it Ferdronken Lân fan Súd-Bevelân. De oerbliuwsels fan 'e stêd lizze sûnt 1978 ûnder de Bergse Diepsluis yn 'e Oesterdam, yn 'e gemeente Toalen.

It gemeentehûs fan Reimerswaal stiet yn Kruiningen. Ek de Kreekraksluzen lizze yn de gemeente.

Plakken

Plak	Ynwenners (2023)
Hansweert	1.725
Krabbendijke	4.460
Kruiningen	4.855
Oostdijk	620
Rilland	2.990
Waarde	1.455
Yerseke	7.140

Yn 'e gemeente lizze ek de buorskippen Bath, Gawege, Middenhof, Roelshoek, Stationsbuurt, Vlake en Völckerdorp.

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Reimerswaal fan Wikimedia Commons.

Seelân	Flagge fan de provinsje Seelân
Borsele - Feare - Flissingen - Goes - Hulst - Kapelle - Middelburch (haadstêd) - Noard-Bevelân - Reimerswaal - Skouwen-Duvelân - Slûs - Terneuzen - Toalen
· ·