Völckerdorp

Völckerdorp
Bestjoer
Lân	Nederlân
Provinsje	Seelân
Gemeente	Reimerswaal
Plak	Rilland
Sifers
Ynwennertal	22 (2020)
Oar
Postkoade	4411
Netnûmer	0113
Koördinaten	51°25' NB, 4°12' EL
Offisjele webside
https://www.reimerswaal.nl
Kaart

Völckerdorp is in buorskip yn 'e gemeente Reimerswiel yn 'e Nederlânske provinsje Seelân. De buorskip hat likernôch 22 ynwenners (2020). Völckerdorp is de meast eastlike buorskip fan 'e provinsje.

Skiednis

Völckerpolder

De Völckerpolder waard tusken 1903 en 1905 bedike nei in konsesje út 1902 oan H.G.J. Völcker van Soelen. De oanlis wie nedich fanwegen it tichtslykjen fan 'e útwetteringsril fan 'e Damespolder.

Völckerdorp

Völckerdorp yn 1911.

Yn 1904 waard in lânarbeidersdoarp stifte dat út 18 huzen om in plein hinne bestie. It doarp hie in eigen roomsk tsjerkje (oant 1920) en in skoalle. De tsjerke waard ôfbrutsen nei't it plak by de parochy Woensdrecht yndield waard. De skoalle waard yn 1936 sletten om't it ferfier mei de bus goedkeaper wie as de skoalle iepenhâlde.

Twadde Wrâldoarloch

Yn 1939 waard de polder in ynundaasjegebiet. By de Dútske ynfal yn 1940 mislearre it ûnder wetter setten, mar it doarp rûn wol skea op troch besjittings. Yn oktober 1944 waard der yn 'e polder fûl fochten tusken Dútske troepen en Kanadeeske soldaten (Black Watchers). It doarp rekke swier skansearre en ferskate wenten waarden nea wer opboud.

Wettersneed fan 1953

Yn 'e nacht fan 1 febrewaris 1953 briek de dyk op twa plakken troch. De ynwenners flechten nei de souders. Op 2 febrewaris waarden de bewenners troch militairen fan 'e fleanbasis Woensdrecht rêden. Tsjin 5 febrewaris wie de polder troch natuerlike ôfwettering wer drûch.

Boarnen, noaten en/as referinsjes: