Redbad Klijnstra-Komarnicki

	Redbad Klijnstra-Komarnicki
	akteur
	Redbad Klijnstra-Komarnicki
	persoanlike bysûnderheden
nasjonaliteit	Nederlânsk
berne	29 novimber 1969
berteplak	Amsterdam
etnisiteit	Frysk; Poalsk
jierren aktyf	1994 – no
	offisjele webside
	(in) Redbad Klijnstra-Komarnicki yn IMDB

Redbad Klijnstra-Komarnicki (29 novimber 1969 yn Amsterdam) is in Poalsk akteur fan Frysk en Nederlânsk komôf.

Libben en wurk

Klijnstra-Komarnicki waard berne as soan fan in Nederlânske heit fan Frysk komôf en in Poalske mem. Hy die it gymnasium yn Amsterdam, mar folge yn Warsjau in toanielopleiding. Hy studearre dêr ôf yn 1994 en bleau dêrnei yn Poalen.

Hy spile yn ferskaat oan Poalske films, telefyzjerigen en teäters, mar ek yn de Dútsktalige film Feuerreiter (1998), in ynternasjonale koproduksje en yn in ôflevering fan de Nederlânske tf-rige De zeven deugden (1999).

Yn de Poalske telefyzjerige Na dobre i na złe ('Yn goede en minne tiden') spilet er sûnt 2007 de Nederlânske dokter Ruud van der Graaf.

Klijnstra-Komarnicki wennet op 't heden yn Warsjau. Hy hat in kafee en is artistyk lieder fan it teäter Centralny Basen Artystyczny yn Warsjau.

Klijnstra-Komarnicki is ek de inisjatyfnimmer fan Festyn O Holender!, in strjitfeest yn de geast fan de Nederlânske keningsdei dat sûnt 2008 alle jierren yn maaie organisearre wurdt foar syn kafee oer.

Yn 2012 spile er de rol fan de Poalske Stenjek yn de Nederlânske skriller De verbouwing.

Filmografy

Unfolslein:;

Film

2016: Music, War and Love - Horst
2016: Smolensk
2012: De verbouwing
2008: Cztery noce z Anną
2007: 0 1 0
2007: Mała wielka miłość
2005: Fotoplastykon
2002: Jedermanns Fest – Daniel
1998: Hölderlin, le cavalier de feu - Georg Hammelmann

Telefyzje

2016: Strazacy - Aleksander Szajna
2016: Druga szansa - Coach Andrzej
2015: Ojciec Mateusz - Aleksander Morus

Keppelings om utens