Protestantske Tsjerke (It Heidenskip)

Ut Wikipedy
Jump to navigation Jump to search
Protestantske Tsjerke
Protestanske tsjerke fan It Heidenskip.jpg
lokaasje
lân Flag of the Netherlands.svg Nederlân
provinsje Frisian flag.svg Fryslân
gemeente Súdwest-Fryslân vlag.svg Súdwest-Fryslân
plak It Heidenskip
adres Brânburren 18
bysûnderheden
type bouwurk Tsjerke
boujier 1886
boustyl Eklektisisme
oare ynformaasje
webside PKN-gemeente It Heidenskip

De Protestantske Tsjerke oan de Brânburren is de tsjerke fan de PKN-gemeente yn It Heidenskip.

Skiednis[bewurkje seksje | boarne bewurkje]

De tsjerke waard yn 1886 boud foar de herfoarme gemeente. It is in ienfâldige sealtsjerke mei in dwersskip en in lytse dakruter boppe de gevel. De konsistoarje achter de tsjerke is in tafoeging út 1913.

Oarspronklik wie de gemeente oansletten by de herfoarme gemeenten fan Aldegea-Kolderwâlde en Nijegea-Ealahuzen oan de oare kant fan De Fluezen. De komst fan konkurrinsje yn de foarm fan in baptistengemeente soarge yn it lêste fearn fan de 19e iuw foar grutte opskuor ûnder sawol herfoarme as katolike bewenners. Om ledenferlies tefoarren te kommen besletten de herfoarmen in oerset yn te setten om it de leden makliker te meitsjen de sneinske tsjinsten yn Nijegea by te wenjen.

Net folle letter waard yn 1886 yn in pear moanne tiid in eigen herfoarme tsjerke boud, dy't yn desimber fan dat jier yn gebrûk nommen waard. Yn 1902 waard de gemeente by Warkum foege.

De herfoarmen fan It Heidenskip giene yn 1980 by de grifformearde gemeente. De grifformearde tsjerke waard neitiid ferkocht en ferboud ta wenhûs. Sûnt 2004 is It Heidenskip in selstannige protestanske gemeente.

Yn 2003 folge in restauraasje fan de tsjerke. [1]

Oargel[bewurkje seksje | boarne bewurkje]

De tsjerke hat in Bakker & Timmenga-oargel út 1909-1910. Restauraasjes fan it ynstrumint folgen yn 1946 en 2012, wylst it ynstrumint yn 1959 fan in elektryske wynmasjine foarsjoen waard. De disposysje is sûnt de bou net mear feroare.[2]

Keppeling om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: