Petrus- en Paulustsjerke (Famagusta)
| Petrus- en Paulustsjerke | ||
| ||
| ||
| Lokaasje | ||
| lân | de jure Syprus de fakto: Noard-Syprus | |
| distrikt | de jure: Famagusta de facto Gazimağusa | |
| plak | Famagusta | |
| adres | Abdullah Paşa Sk | |
| koördinaten | 33° 07 N, 33° 56 'E | |
| Tsjerklike gegevens | ||
| patroanhillige | Petrus en Paulus | |
| status | sekularisearre | |
| Arsjitektuer | ||
| boujier | twadde helte 14e iuw | |
| boustyl | gotyk | |
| Kaart | ||
  | ||
De Petrus- en Paulustsjerke is ien fan 'e grutste goatyske tsjerken fan 'e Syprioatyske stêd Famagusta.
Skiednis
[bewurkje seksje | boarne bewurkje]De trijeskippige tsjerke waard om 1360 hinne boud. In foarse bydrage foar de bou joech de rike Syryske keapman Simon Nostrano.
.JPG)
De tsjerke liket wat it ûntwerp oanbelanget in soad op 'e Sint-Joaristsjerke fan 'e Griken, dy't om 'e selde tiid hinne boud waard. Opfallend binne de loftbôgen oan 'e tsjerke, dy't nedich wiene fanwegen de hichte fan it gebou. De ûndjippe fûneminten of ierdskoddings makken yn 'e 16e iuw oan 'e súdkant fan 'e Petrus- en Paulustsjerke in twadde rige mei loftbôgen needsaaklik. Ek hjoed-de-dei is te sjen dat de muorre nei bûten bûgd. Om 't de tsjerke by de Ottomaanske bombardeminten by it belis fan Famagusta yn 1571 sparre waard, wurdt der tocht dat de tsjerke doe al net mear as tsjerke brûkt waard. Nei de Ottomaanske oermastering fan 'e stêd waard de tsjerke feroare yn 'e Sinan Pasja-moskee. Op 'e súdwestlike hoeke waard in minaret tafoege, dy't lang ferlyn ôfbriek en no net mear boppe it dak útkomt.
De eardere Petrus- en Paulustsjerke of de Sinan Pasja-moskee hat hjoed-de-dei gjin funksje mear as religieus gebou. Yn 'e Britske tiid fan it eilân waard de moskee as jirpel- en nôtskuorre brûkt, sadat de minsken it gebou de bynamme 'weetmoskee' (Bugday Cami) joegen. Dêrnei krige it gebou noch oare funksjes en yn 1964 waard it stedhûs en de bibleteek dêr ûnderbrocht.
| Boarnen, noaten en/as referinsjes: | ||
|
