Penny's Shadow

Ut Wikipedy
Jump to navigation Jump to search

Penny’s Shadow is in film út 2011 fan regisseur Steven de Jong.

Yn de film is Shadow in neisiet fan ien fan de acht rêdingshynders dy’t foar de eagen fan de eigeners en tsientallen badgasten ferdwûnen yn de kolkjende see wylst se in rêdingsboat lansearren. It is in ferwizing nei 14 augustus 1979 doe’t acht hynders omkamen, wylst der yn alle jierren dêrfoar nea wat misgien wie mei de hynders. Pas nei in spoedberied fvan de ministerried waard tastimming jûn om de hynders yn de dunen te begraven. Se lizze dêr fjouwer by fjouwer, krekt sa’t se altiten foar de rêdingsboat rûnen.

De opnames binne yn 2010 dien. Lokaasjes wienen de pleats fan Steven de Jong yn Hartwert en It Amelân. Op 9 juny 2011 wie de premjêre fan de film op It Amelân, de lanlike premjêre wie al earder: op 5 juny fan dat jier yn Amsterdam. By de premjêre wiene de measte spilers oanwêzich, spesjale gasten dêrby wiene de mannen fan De Kast dy't foar de muzyk soargen [1] .

Ferhaal[bewurkje seksje | boarne bewurkje]

Lisa is in kreas famke fan in jier of sechtjin en hat in spesjale bân mei hyns. Yn de simmer giet se mei har ferlegene suske Tess en har mem en sjoernaliste Daphne op fakânsje nei It Amelân. Tess nimt ek har eigenwize pony Rakker mei. Se hâlde ta op de kampearpleats fan de santjinjierrige Kai en syn heit Erik. Kai syn mem is jierren ferlyn ferstoarn by in ûngelok mei har favorite hynder Shadow. De swarte hynst hat it oerlibbe, mar is swier traumatisearre en ûnbetrouber woarn. Kai seach it ûngelok barren en hat dêrtroch in muoisume bân mei it hynder. Lisa is der wis fan dat se helpe kin mei Shadow, mar Kai wol hjir neat fan witte. Se beslút om temûk dochs it hynder te trenen en him wer betrouwen yn minsken te jaan, mar wyls wurdt se ek noch fereale op de stoere Kai.

Rolferdieling[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. "Premjêre Penny’s Shadow", Www.itnijs.nl, 10 juny 2011