Normaal (band)

Ut Wikipedy
Jump to navigation Jump to search
Logo fan Normaal
Normaal op de Swarte Kros 2011

Normaal wie in Nederlânske rockband dy’t yn 1973 oprjochte is. De groep song yn it Achterhoekske dialekt en neamde harren muzyk “boerenrock”. De band is yn 1977 lanlik trochbrutsen mei it liet “Oerend Hard” dat altyd in grut sukses bleaun is by de konserten. Oare bekende lietsjes binne “Deurdonderen”, “Bier, bier, bier”,”Ik ben moar een eenvoudige boerenlul” en “De boer is troef”. De teksten gongen faak oer drank, froulju en motorcross.

Skiednis[bewurkje seksje | boarne bewurkje]

Normaal is oprjochte troch sjonger/gitarist Bennie Jolink ('Buizen Berend') en drummer Jan Manschot ('Brekken Jan Schampschot'). Nei in tal wikselingen kamen gitarist Ferry Joly ('Frederik Puntdroad') en bassist Willem Terhorst ('Wimken fan Diene') by de band. Terhorst wie de ienige echte boeresoan. It earste grutte optreden fan de band wie yn 1975 op it jierlikse Popfestival yn Lochem. De earste single “Hels as in jagthond” waard útbrocht yn 1976. Yn 1977 krigen hja sukses yn it hiele lân mei “Oerend hard” Sy joegen in protte optredens, meastentiids yn feesttinten. It smiten mei bier wie ien fan de fêste rituelen tidens de optredens. It rûge feestfieren waard ek wol høken neamd. Normaal hat 39 jier lang alle jierren spile op it Feanhoopfestival en foarme dêr ien fan de hichtepunten.

Yn de rin fan de jierren hawwe der in soad persoanswikselingen yn de band west. Bennie Jolink wie net alinne it gesicht en de gongmakker fan de band, hy wie ek de ienigste dy’t der fan begjin oant ein by west hat en skreau ek de measte ferskes. Doe’t er âlder waard,krige er hieltyd mear te krijen mei syn sûnens en waard it swierder foar him om op te treden. Doe’t er der mei stoppe wie er sawat sântich jier. Yn desimber 2015 hat Normaal in ôfskiedskonsert jûn yn de Gelredome yn Arnhem. Der is in dvd en blu-ray útbrocht fan dat konsert, mei de namme “Ajuu, de mazzel”.

Albums[bewurkje seksje | boarne bewurkje]

  • Oerend hard (1977)
  • Ojadasawa (1978)
  • D’n Achterhoek tsjoek (1979)
  • Høken is Normaal (1980)
  • Springleavend (1981) Live album
  • Deurdonderen (1982)
  • De boer is troef (1983)
  • De klok op rock (1984)
  • Steen, stoal en sentiment (1985)
  • Zo kommen wij de winter deur (1985) Mini LP yn gearwurking mei de Glanerbrugger Muzikanten
  • Kiek uut (1986)
  • Noar ’t café (1987)
  • Da’s Normaal (1988)
  • Rechttoe, rechtan (1989)
  • Normalis jubilaris (1990) 15 joar Normaal live (1990)
  • H.A.L.V.U. (1991)
  • Buugen of barsten (1992)
  • Bi-j Normaal thuus (1993) akkoestysk live album
  • Gas d’r bi-j (1994)
  • Top of the bult (1996)
  • Concrete jungle (1996) album mei nea earder útbrochte ferskes
  • Krachttoer (1997)
  • Was ist heute los? (1997) album mei de Dútske lietsjes dy’t earder op single útbrocht binne
  • Høken, kreng (1998)
  • Kriebel in de konte (1998) Live album
  • Hels as ’n jagthond (1999)
  • Van tied tut tied (2000)
  • Effe zitten (2000) akkoestysk album
  • Ik kom altied weer terug (2001)
  • Vernemstig te passe (2003) Live album
  • Høk & swing (2003)
  • Fonkel (2004) alde ferskes dy’t net earder útbrocht binne
  • Ni-je NRS (2008)
  • De Blues eLPee (2009)
  • Høken in Hummelo (2011)
  • Halve soul, helemaal høken (2012)
  • De wilde joaren (2013) album mei nea earder útbrocht live opnames
  • Deurdonderen in de Achterhoek (2014)
  • Ajuu de mazzel! (2016)

Keppelings om utens[bewurkje seksje | boarne bewurkje]