Niederburg

Ut Wikipedy
Jump to navigation Jump to search
Niederburg
Wappen der Ortsgemeinde Niederburg.gif
Sifers
Ynwennertal 673 (31 desimber 2014)
Oerflak 6,78 km²
Hichte 327 meter boppe seenivo
Polityk
Lân Flag of Germany.svg Dútslân
Dielsteat Flag of Rhineland-Palatinate.svg Rynlân-Palts
Landkreis Rhein-Hunsrück-Kreis
Stedsyndieling Verbandsgemeinde Sankt Goar-Oberwesel
Oar
Postkoade 55432
Webside www.niederburg.de

Niederburg is in Ortsgemeinde yn de Verbandsgemeinde Sankt Goar-Oberwesel yn it Rhein-Hunsrück-Kreis yn de Dútske dielsteat Rynlân-Palts.

Skiednis[bewurkje seksje | boarne bewurkje]

De Stefanustsjerke fan Niederburg

It plak wurdt foar it earst yn in skinkingsoarkonde fan 1256 neamd. Sûnt 1309 hat it doarp in tsjerke, dy't yn 1386 fan prins-biskop Werner von Falkenstein de status fan parochytsjerke krige.

Niederburg hie yn de 14e iuw foarrjochten en om 1550 hinne wie Niederburg nei Oberwesel it grutste plak fan it Kar-Trierse amt Oberwesel. De stêd Oberwesel krige it lykwols oan de stok mei de Trierse aartsbiskop Von Falkenstein. It gefolch wie de saneamde Weseler Kriich. De aartsbiskop liet geskut opstelle yn Niederburg en de stêd Oberwesel waard mear as in jier lang belegere. Op 9 oktober 1391 joech de stêd it ferset op. Oant dy tiid hjitte it plak Niederenberg, mar sûnt krige it de hjoeddeiske name Niederburg. Fanwegen de kriich waard de ôfhinklikens fan Oberwesel opheven en der binne sels oanwizings dat Niederburg yn 1414 de status fan stêd hie. Yn 1434 waard dy stelstannigens lykwols wer opheven en yn opdracht fan aartsbiskop Raban von Hemlstatt waard Niederburg wer by de stêd Oberwesel foege. De ferdigeningswurken fan Niederburg bleaune lykwols oant 1852 noch foar in grut diel bewarre.

Sûnt 1786 foarmet Niederburg in selstannige gemeente. Yn 1794 besetten de troepen fan Napoleon de lofter kant fan de Ryn en dêrmei waard Niederburg Frânsk. It Kongres fan Wenen ornearre it plak letter oan it keninkryk Prusen en nei de Earste Wrâldkriich waard it plak op'e nij beset troch de Frânsen.

Op 21 novimber 1944 waarden der troch de alliearden fuort nei 13 oere 52 bommen op en om Niederburg smiten. It doel fan de oanfal wie nei alle gedachten it fernielen fan it spoar yn de Ryndelte, mar der kamen ek in pear bommen yn it sintrum fan it doarp telâne. Twa minsken ferlearen by dit bombardemint harren libben.

Sûnt 1946 makket it plak diel út fan de doe stifte dielsteat Rynlân-Palts.

It besjen wurdich[bewurkje seksje | boarne bewurkje]

  • De Stefanustsjerke mei in romaanske toer út likernôch 1300.
  • Fan de midsieuske ferdigeningswurken bleau allinnich in stik muorre mei hoektuorren bewarre.

Keppelings om útens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Dizze side is foar in part in oersetting fan de Dútske Wikipedyside; sjoch foar de bewurkingsskiednis: [1]