Nicolette Shea

	Nicolette Shea
	persoan yn de seksyndustry
	Nicolette Shea by in fraachpetear yn 2020.
	persoanlike bysûnderheden
echte namme	Nicolette Shea
nasjonaliteit	Amerikaansk
berne	18 novimber 1986
berteplak	Sacramento, Kalifornje, Feriene Steaten fan Amearika
etnisiteit	Angelsaksysk Amerikaansk
	wurkpaad
wurksum as	neakenmodel, stripper, ; pornoaktrise
jierren aktyf	2011 – no
	offisjele webside
	Nicolette Shea op Twitter

Nicolette Shea (Sacramento, Kalifornje, 18 novimber 1986) is in Amerikaansk neakenmodel, stripper en pornografysk aktrise. Hja sette yn 2011 útein mei in wurkpaad as neakenmodel, begûn letter ek te wurkjen as stripper en makke yn 2017 har debút as pornoaktrise.

Libben en karriêre

Shea waard yn 1986 berne yn Sacramento, Kalifornje, yn 'e Amerikaanske steat Nevada. Hja krige bekendheid as neakenmodel doe't hja yn oktober 2011 de Playboy Cyber Girl of the Month wie. Neitiid bleau Shea aktyf as neakenmodel en posearre se noch ferskate kearen foar de Playboy en foar oare neakenblêden. Nei ferrin fan tiid begûn se ek as stripper te wurkjen, wêrby't se as feature dancer foar optredens by stripklubs yn 'e hiele Feriene Steaten lâns reizget.

Op 'e tillefyzje wurke Shea mei oan 'e searje Playboy Plus' Pretty in Pink Vol. 2, op 'e stjoerder Playboy TV. Yn 2017 makke se de oerstap nei de Amerikaanske pornoyndustry, dêr't se in seks sêne die yn 'e film Flixxx: Angela and Nicolette Get Wet, fan 'e studio Digital Playground. Letter datselde jiers spile se mei pornoakteur Keiran Lee yn 'e film Don't Bring Your Sister Around Me, fan it Brazzers Network.

Nicolette Shea is blank, mei griene eagen en blûn hier. Neffens har offisjele opjefte is se 1.81 m lang, mei in gewicht fan 61 kg, en kupmaat 36D, dêr't se in boarstfergruttingsoperaasje foar ûndergien hat. Behalven de wenstige piercings troch har earlellen hat se ek in nâlpiercing. Shea hat lykwols gjin tatoeaazjes.

Boarnen, noaten en/as referinsjes: