Nestoriaanske Tsjerke (Famagusta)

	Nestoriaanske Tsjerke
	Lokaasje
lân	de jure Syprus; de fakto: Noard-Syprus
distrikt	de jure: Famagusta; de facto Gazimağusa
plak	Famagusta
adres	Necip Tözün Sk
koördinaten	35° 07 N, 33° 56 'E
	Arsjitektuer
boujier	14e iuw
boustyl	gotyk
	Kaart
	;

De Nestoriaanske Tsjerke is in tsjerkegebou yn 'e noardwestlike hoeke fan 'e histoaryske Syprioatyske stêd Famagusta yn it gebiet dêr't eartiids in soad kristenen út it Midden-Easten wennen, dy't nei Syprus flechten nei de fal fan Akko yn 1291.

Skiednis

De tsjerke waard yn 1359 yn opdracht fan de rike Fransiskus Lakhas boud. Nettsjinsteande syn rykdom liet er in ienfâldige tsjerke sette. Oarspronklik wie in in ienskippich bouwurk en letter waard de tsjerke mei sydskippen útwreide. It middenskip waarden mei twa spitsbôgen nei de sydskippen iepene. Oannommen wurdt dat de westlike toer wer letter is tafoege.

Fan binnen wie de tsjerke ea fersierd mei fresko's en teksten yn it Syrysk. Der binne in pear fresko's bewarre bleaun fan hilligen.

Nei de Ottomaanske oermastering fan it eilân waard de tsjerke as stâl foar kamielen brûkt en healwei de 19e iuw folge yn 'e Britske tiid in ferbouwing ta in Gryksk-otterdokse tsjerke, dy't de tsjerke oant 1963 brûkte. De Griken wijden de tsjerke oan Sint-Joaris de Ferballe. Neffens in leginde soe it lizzen fan wat stof út de tsjerke yn it hûs fan jins fijân ta syn dea of ferballing liede.

De tsjerke wurdt hjoed-de-dei as kultureel sintrum brûkt en sneins fiert de Anglikaanske mienskip dêr tsjerketsjinsten.