Miuwen

	Miuwen
	(Europeeske) sulvermiuw
	Taksonomy
ryk:	dieren (Animalia)
stamme:	rêchstringdieren (Chordata)
klasse:	fûgels (Aves)
boppeskift:	nije fûgels (Neoaves)
skift:	wilstereftigen (Charadriiformes)
famylje:	seefûgels (Laridae)
skaai:	Miuwen (Laridae)
	Linnaeus, 1758

Miuwen (Laridae) foarmje in famylje fan seefûgels (Laridae) út it skift wilstereftigen (Charadriiformes).

Beskriuwing

De soarten binne oer it generaal relatyf grutte, griis mei wite fûgels. De lytste is de lytse miuw (Hydrocoloeus minutus) en de grutste is de grutte sjouwerman (Larus marinus). Se ha in skelle, kritende rop en in sterke snaffel. De poaten ha swimfluzen.

It identifisearjen fan soarten yn it skaai kin lestich wêze foar sawol de leek as de saakkundige, benammen by jonge fûgels dy't ûnderling ek wer hiel ferskillend wêze kinne en troch meardere kleurfazes geane foardat se it folwoeksen fearrekleed krije. By guon soarten komt ek regelmjittich hybridisaasje foar, itjinge determinaasje noch lestiger makket

Taksonomy

Yn it ferline waarden hast alle miuwen yn dit skaai set, dat as in grut monofyletysk skaai behannele waard. Op basis fan in nije molekulêre fylogeny mei mitochondriaal DNA wurdt dy âlde klassifikaasje no as polyfyletysk beskôge. Dêrtroch wurde in oantal soarten net mear yn it skaai Larus set, mar yn 'e (op 'e nij oprjochte) skaaien Ichthyaetus, Chroicocephalus , Leucophaeus en Hydrocoloeus.

De taksonomy fan 'e grutte miuwen yn 'e groep sulvermiuwen en sjouwermannen is tige kompleks. Ofhinklik fan 'e auteur wurde tusken twa en acht soarten ûnderskieden.

Soarten

It skaai wurdt yn 25 soarten ûnderferdield:

Wittenskiplike namme	Fryske namme	Fersprieding	Status
Larus smithsonianus	Amerikaanske sulvermiuw	Noard-Amearika fan sintraal Alaska oant Newfoundland en de Grutte Marren, oerwinteret oant yn 'e Kariben	net bedrige^[1]
Larus brachyrhynchus	Amerikaanske ûnwaarsfûgel	Noardwestlik Noard-Amearika	ûnbekend^[2]
Larus atlanticus	Argentynske miuw	Atlantyske kust fan súdlike Brazylje, Oerûguay, noardlik Argentynje	hast bedrige^[3]
Larus armenicus	Armeenske miuw	Briedt yn Georgje, Turkije, Armeenje en westlik Iran, oerwinteret yn Turkije, Libanon en Israel	net bedrige^[4]
Larus glaucescens	Beringmiuw	Pasifyske kusten fan Ruslân en Alaska oant Washington, oerwinteret oant Japan en Meksiko	net bedrige^[5]
Larus vegae	Eastsibearyske miuw	Noardeastlik Sibearje, oewinteret yn Japan, Koreä, eastlik Sina en Taiwan	ûnbekend^[6]
Larus michahellis	gielpoatmiuw	Briedt yn kustkriten fan 'e Middellânske See, oerwinteret yn grutte dielen fan Europa en it westlik Middellânske Seegebiet	net bedrige^[7]
Larus pacificus	grousnaffelmiuw	Austraalje	net bedrige^[8]
Larus marinus	grutte sjouwerman	kusten fan 'e noardlike Atlantyske Oseaan en de Noardsee	net bedrige^[9]
Larus crassirostris	Japanske miuw	kusten fan East-Aazje oant westlik Alaska	net bedrige^[10]
Larus heermanni	jiskemiuw	kustkriten West-Meksiko en Kalifornje	hast bedrige^[11]
Larus occidentalis	Kalifornyske miuw	Kustkriten Stille Oseaan fan Britsk-Kolumbia, de Feriene Steaten, Meksiko	net bedrige^[12]
Larus schistisagus	Kamtsjatkamiuw	Noardeastlike kusten fan Aazje, oerwinteret nei it suden ta oant eastlik Sina	net bedrige^[13]
Larus dominicanus	kelpmiuw	Kustkriten Súd-Amerika, Afrika en Austraalje	net bedrige^[14]
Larus glaucoides	lytse iismiuw	Arktyske regio's fan Kanada en Grienlân, oerwinteret yn 'e noardlike Atlantyske Oseaan	net bedrige^[15]
Larus fuscus	lytse sjouwerman	Briedt yn Noard-Europa en West-Sibearje, oerwinteret yn kustgebieten fan 'e Alde Wrâld	net bedrige^[16]
Larus livens	Meksikaanske miuw	Golf fan Kalifornje yn Meksiko	net bedrige^[17]
Larus hyperboreus	grutte iismiuw	Arktyske kusten, oerwinteret yn 'e Noardatlantyske- en Noardpasifyske kust oant de Britske eilannen en de Grutte Marren	net bedrige^[18]
Larus mongolicus	Mongoalske miuw	Mongoalje, Súdeastlik Ruslân, oewinteret yn Japan, Koreä, dielen fan Sina en Taiwan	net bedrige^[19]
Larus belcheri	Perûviaanske miuw	Pasifyske kust tusken Ekwador oant Sily	net bedrige^[20]
Larus cachinnans	Pontyske miuw	Sintraal-Aazje en dielen East-Europa, oerwinteret oant West-Europa en kustkriten Arabysk Skiereilân	net bedrige^[21]
Larus californicus	prêrjemiuw	westen fan Kanada, Feriene Steaten, Meksiko	net bedrige^[22]
Larus delawarensis	ringbekmiuw	Kanada en it noarden fan 'e Feriene Steaten, oerwinteret nei it suden oant de Kariben	net bedrige^[23]
Larus argentatus	(Europeeske) sulvermiuw	kustkriten Noard- en West-Europa	net bedrige^[24]
Larus canus	ûnwaarsfûgel	Europa en Aazje	net bedrige^[25]

Boarnen, noaten en referinsjes

Boarnen, noaten en/as referinsjes:

Wikimedia Commons

Ofbylden dy't by dit ûnderwerp hearre, binne te finen yn de kategory Larus fan Wikimedia Commons.

[1] Larus smithsonianus op BirdLife

[2] Larus brachyrhynchus op Birds of the World

[3] Larus atlanticus op BirdLife

[4] Larus armenicus op BirdLife

[5] Larus glaucescens op BirdLife

[6] Larus vegae op BirdLife

[7] Larus michahellis op BirdLife

[8] Larus pacificus op BirdLife

[9] Larus marinus op BirdLife

[10] Larus crassirostris op BirdLife

[11] Larus heermanni op BirdLife

[12] Larus occidentalis op BirdLife

[13] Larus schistisagus op BirdLife

[14] Larus dominicanus op BirdLife

[15] Larus glaucoides op BirdLife

[16] Larus fuscus op BirdLife

[17] Larus livens op BirdLife

[18] Larus hyperboreus op Birds of the World

[19] Larus mongolicus op Birds of the World

[20] Larus belcheri op BirdLife

[21] Larus cachinnans op BirdLife

[22] Larus californicus op BirdLife

[23] Larus delawarensis op BirdLife

[24] Larus argentatus op BirdLife

[25] Larus canus op BirdLife

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]