Michael Gambon

Michael Gambon
akteur
Michael Gambon yn juny 2013.
persoanlike bysûnderheden
echte namme	Michael John Gambon
nasjonaliteit	Ierlan Feriene Keninkryk
berne	19 oktober 1940
berteplak	Dublin (Ierlân)
stjerplak	n.f.t.
etnisiteit	Iersk
jierren aktyf	1962 – no
offisjele webside
gjint

Michael Gambon (Dublin, 19 oktober 1940) is in Iersk toaniel-, tillefyzje-, en filmakteur. Gambon spile Philip Marlow yn de BBC tillefyzjerige The Singing Detective, Jules Maigret yn ITV rige Maigret út de njoggentiger jierren en Professor Albus Dumbledore yn de lêste seis Harry Potter-films.

Biografy

Gambon waard berne yn Cabra (Dublin) yn de Twadde Wrâldoarloch. Heit Edward Gambon wie in yngenieur en syn mem, Mary (berne Hoare), wie naaister ('frouljusskroar'). Doe't er fiif jier wie ferfear de húshâlding nei Londen dêr't heit Gambon wurk socht yn de weropbou fan dy stêd. Ek Michael waard oplaat ta yngenieur; hy roan staazje by fleantúchfabryk Vickers Armstrong en arbeide dêr noch in jier. Dêr ûntstie ek syn leafde foar antike gewearen, horloazjes en klassike auto's. Doe't er 21 wie besleat er lykwols dat er akteur wurde woe.

Gambon spile in soad rollen op toaniel yn stikken fan Shakespeare, Ayckbourn en Pinter. Hy waard bekend by it grutte publyk fan syn rollen foar de tillefyzje en yn films. Bygelyks spile er de rol fan Philip Marlow yn de tillefyzjerige The Singing Detective nei in skript fan Dennis Potter. En Oscar Wilde yn de BBC-tillefyzjesearje Oscar út 1985. Hy wie ek te sjen yn de BBC-searje Cranford en yn de histoaryske minisearje Longitude wie er it haadpersoanaazje: klokmakker John Harrison.
Fanôf de ferfilming fan it tredde boek fan Harry Potter-rige, Harry Potter and the Prisoner of Azkaban, naam er yn dy films de rol fan skoalhaad Albus Perkamentus op 'e noed. Syn foargonger, Richard Harris, dy't yn de earste twa films dy rol hie, stoar yn 2002 oan de gefolgen fan de Sykte fan Hodgkin. Gambon spile ek Perkamentus foar it filmjen fan sênes foar Harry Potter and the Forbidden Journey, in attraksje yn Universal's Islands of Adventure en Universal Studios Japan.

Yn 1998 krige er in OBE fan keninginne Elizabeth II fan Ingelân en waard doe "Sir" Michael Gambon.
Foar syn wurk op telefyzje ûntfong Gambon fjouwer BAFTA Awards foar The Singing Detective (1986), Wives and Daughters (1999), Longitude (2000) en Perfect Strangers (2001). Hy ûntfong ek twa Primetime Emmy Award-nominaasjes foar Path to War (2002) en Emma (2009). Oare opmerklike projekten binne Cranford (2007) en The Casual Vacancy (2015). Yn 2017 krige er de Irish Film & Television Academy Lifetime Achievement Award. Yn 2020 stie er op nûmer 28 op de list fan The Irish Times mei de grutste filmakteurs fan Ierlân.

Films (in kar)

• Othello (1965) - selskip
• Nothing but the night (1973) - ynspekteur Grant
• The Beast Must Die (1974) - Jan Jarmokowski
• Turtle Dairy (1985) - George Fairbairn
• Paris by night (1988) - Gerald Paige
• Missing Link (1988) - ferteller (stim)
• The Rachel Papers (1989) - Dr. Knowd
• A Dry White Season (1989) - rjochter
• The Cook, the Thief, His Wife & Her Lover (1989) - Albert Spica
• Mobsters (1991) - Don Salvatore Faranzano
• Toys (1992) - luitenant-generaal Leland Zevo
• Clean Slate (1994) - Cornell
• The Browning Version (1994) - Dr. Frobisher
• A man of no Importance (1994) - Ivor J. Carney
• Squanto: A Warrior's Tale (1994) - Sir George
• Nothing Personal (1995) - Leonard
• Two Deaths (1995) - Daniel Pavenic
• Bullet to Beijing (1995) - Alex
• The Innocent Sleep (1996) - ynspekteur Matheson
• Midnight in Saint Petersburg (1996) - Alex
• Mary Reilly (1996) - Mr. Reilly
• The Wings Of The Dove (1997) - Lionel Croy
• The Gambler (1997) - Fjodor Dostojevsky
• Dancing at Lughnasa (1998) - pater Jack Mundy
• Plunkett & Macleane (1999) - Lord Gibson
• The Last September (1999) - Sir Richard Naylor
• Le château des singes (1999) - master Martin (stim by de Ingelske ferzje)
• The Insider (1999) - Thomas Sandefur
• Sleepy Hollow (1999) - Baltus van Tassel
• High Heels and Low Lifes (2001) - Kerrigan
• Christmas Carol: The Movie (2001) - Geast fan Kryst fan no (stim)
• Gosford Park (2001) - William McCordle
• Charllote Gray (2001) - Levade
• Ali G Indahouse (2002) - minister-presidint
• Path to War (2002) - Lyndon B. Johnson
• The Actors (2003) - Barreller
• Open Range (2003) - Denton Baxter
• Sylvia (2003) - professor Thomas
• Harry Potter and the Prisoner of Azkaban (2004) - Albus Perkamentus
• Being Julia (2004) - Jimmie Langton
• Sky Captain and the World of Tomorrow (2004) - redakteur Morris Paley
• Layer Cake (2004) - Eddie Temple
• The Life Aquatic with Steve Zissou (2004) - Oseary Drakoulias
• Harry Potter and the Goblet of Fire (2005) - Albus Perkamentus
• The Omen 666 (2006) - Bugenhagen
• Amazing Grace (2006) - Lord Charles Fox
• The Good Shepherd (2006) - Dr. Fredericks
• The Good Night (2007) - Alan Weigert
• The Baker (2007) - Leo
• Harry Potter and the Order of the Phoenix (2007) - Albus Perkamentus
• Brideshead Revisited (2008) - Lord Marchmain
• Harry Potter and The Half-Blood Prince (2009) - Albus Perkamentus
• Fantastic Mr. Fox (2009) - Franklin Bean (stim)
• The Book of Eli (2010) - George
• The King's Speech (2010) - Kening George V
• A Christmas Carol - Doctor Who (2010) - Kazran/Elliot Sardick
• Harry Potter and The Deathly Hallows: Part 1 (2010) - Albus Perkamentus
• Harry Potter and The Deathly Hallows: Part 2 (2011) - Albus Perkamentus
• Quartet (2012) - Cedric Livingston
• Dad's Army (2016) - Soldaat Godfrey
• Paddington 2 (2017) - Omke Pastuzo (stim)

Keppelings om utens

• (in) Michael Gambon National Theatre
• (in) Folsleine filmografy fan Michael Gambon yn 'e Internet Movie Database (IMDb)

Commons

Ofbylden dy't by dit ûnderwerp hearre, binne te finen yn de kategory Michael Gambon fan Wikimedia Commons.

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References en Further reading, op dizze side.