Maarssefean

Ut Wikipedy
Jump to navigation Jump to search
Lokaasje Maarssen
Maarssefean is ien lange dyk
Maarssefean'

Maarsseveen (Nederlânsk: Maarssenveen) is ûnderdiel fan de gemeente Stichtske Fecht, yn de provinsje Utert.

Skiednis[bewurkje seksje | boarne bewurkje]

De namme Marcevene (Maarssefean) wie al yn de lette midsiuwen bekend. Oant 1 july 1949 wie it in selsstannige gemeente. De bebouwing oan de noardkant fan de Nassaustrjitte yn it hjoeddeiske Maarssen foel ûnder de gemeente Maarssefean, teffens de Bethunepolder, Ald-Maarssefean, en it plassegebiet ten easten fan de Maarssefeanske Feart.

Hjoeddeisk buorskip[bewurkje seksje | boarne bewurkje]

Maarssefean bestiet út ien rjochte lange dyk fan mear as in kilometer lingte, de Hearrenwei. Oarspronklik in túnbougebiet mar dizze aktiviteit wurdt stadichoan minder. Der is noch ien feehâlder en de measte huzen wurde no foar gewoane bewenning brûkt. In soad saneamde "ruilferkavelingswenningen" binne de ôfrûne jierren ôfbrutsen en ferfongen troch nije wenningen.

De Plassen[bewurkje seksje | boarne bewurkje]

Troch ferkaveling en turfwinning binne in soad stripen en plassen ûntstien yn it, fan oarsprong, moeraseftige gebiet. It noardlike gedielte is no natoerreservaat en deie mei yn it NCRV-programma "het mooiste plekje van Nederland". De plassen ten suden fan Molenpolder binne yn de jierren sechtich foar sânwinning útgroeven: it sân is ûnder oare brûkt by de oanlis fan de Utertse wyk Overvecht. It rikkeraasjegebiet de Maarssefeanske Plassen is no ien fan de wichtichste wetterrikkeraasjegebieten yn de regio. It wurdt hast hielendal beheard troch troch it Rikkeraasjeskip de Stiftse Grienlannen, in gearwurkingsferbân tusken inkele gemeenten en de provinsje Utert.

Oan de súdkant fan Maarssefean, tsjin de N230 (Zuilense Ring, de rûnwei Utert fanôf de A2 ôfslach Maarssen/Utert Noard) leit de Lytse Maarssefeanske Plasse, mar dizze hat net folle rekreative betsjutting. Der is in oanlisplak foar fiskersboatsjes (hier) mar der is net folle aktiviteit te fernimmen. Dizze plasse is ek troch sânwinning ûntstien. Der rint in paad omhinne dat benammen brûkt wurdt troch minsken om hûnen út te litten.

OP de grutte én op, de lytse plasse binne boaten mei motors ferbean; boatsjes mei elektryske motors binne wol tastien. Troch de grutte djipte fan de plassen moat by it swimmen rekken hâlden wuren mei tige kâld wetter op bepaalde plakken. Troch dy djipte is de plasse winterdeis net sa gau tichtferzen en is reedriden noedlik.

Keppeling om utens[bewurkje seksje | boarne bewurkje]