Lytse mara

Ut Wikipedy
Gean nei: navigaasje, sykje
Lytse mara
Чакоанская, или чакская, или малая мара (Dolichotis salinicola), Chacoan mara, Kleiner Mara, Tierpark Berlin Friedrichsfelde, 10.2012.jpg
taksonomy
ryk: dieren (Animalia)
stamme: rêchstringdieren (Chordata)
klasse: sûchdieren (Mammalia)
skift: kjifdieren (Rodentia)
famylje: kavia-eftigen (Caviidae)
skaai: mara's (Dolichotis)
soarte
Dolichotis salinicola
Burmeister, 1876
IUCN-status: net bedrige

De lytse mara (Latynske namme: Dolichotis salinicola) is in sûchdier út it skift fan 'e kjifdieren (Rodentia), de famylje fan 'e kavia-eftigen (Caviidae) en it skaai fan 'e mara's (Dolichotis), dat foarkomt yn it súdlik-sintrale part fan Súd-Amearika. Dizze soarte is nau besibbe oan 'e gruttere mara (Dolichotis patagonum), dy't súdliker libbet. De lytse mara waard foar it earst wittenskiplik beskreaun yn 1876, troch de Dútsk-Argentynske soölooch Hermann Burmeister.

Fersprieding en biotoop[bewurkje seksje | boarne bewurkje]

De lytse mara is lânseigen yn 'e Súdamerikaanske Gran Chaco-krite, dy't westlik Paraguay, súdeastlik Bolivia en it uterste noarden fan Argentynje beslacht. Dat gebiet is begroeid mei drûge, toarnige wâlden en der is ek iepen gerslân.

Uterlike skaaimerken[bewurkje seksje | boarne bewurkje]

De lytse mara is griisbrunich fan kleur op 'e rêch, kop, fangen, sturt en poaten, mei in wite of krêmkleurige bealch en plakken fan deselde kleur om 'e eagen hinne. Hy is in slachje lytser as de gewoane mara, hat in koart sturtsje, grutte eagen, lange efterpoaten en koarte foarpoaten. Hoewol't de lytse mara nettsjinsteande syn frij koarte earen sterk op in knyn liket, is er dêr hielendal net nau oan besibbe, mei't kninen gjin kjifdieren binne.

Hâlden en dragen[bewurkje seksje | boarne bewurkje]

Lytse mara's libje yn groepkes fan twa oant fjouwer bisten. Se binne oerdeis aktyf en grave in hoale om yn te oernachtsjen. It binne herbivoaren, dy't de foarkar jouwe oan gerzen en krûden, mar dy't as it nypt eltse soarte fegetaasje frette.

Status[bewurkje seksje | boarne bewurkje]

De lytse mara hat de IUCN-status fan "net bedrige", mei't er yn syn ferspriedingsgebiet noch rûnom foarkomt en om't de populaasje stabyl liket te wêzen.

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.