Lutz Jacobi

Ut Wikipedy
Jump to navigation Jump to search
Lutz Jacobi

Lutske (Lutz) Jacobi, (Ketlik, 13 desimber 1955) is in Frysk politikus. Hja is foar de Partij fan de Arbeid fan 2006 oant 2017 lid fan de Twadde Keamer.

Biografy[bewurkje seksje | boarne bewurkje]

Lutz Jacobi foltôge har oplieding rjochten oan de Iepen Universiteit Nederlân. Dêrnei folge hja tusken 1976 en 1981 de learareoplieding yn Ljouwert. Se gie oan de slach by de GGD yn Drachten, wêr't se begûn as funksjonaris sûnensfoarljochting en opfieding en fan 1995 oant 1999 direkteur wie. Nei fúzje fan de GGD's yn Fryslân yn 1999 waard se direkteur fan de nij foarme GGD Fryslân. Sûnt 1985 is se lid fan de PvdA.

Lutz Jacobi kandidaat PvdA 2012

By de Twadde Keamerferkiezingen fan 2006 waard Jacobi keazen as lid fan it parlemint. Se hold har maidenspeech op 6 febrewaris 2007 oer it ferbod fan hannel produkten fan sealrobben en klapmûtsen. Yn juni 2010 stie hja op plak 26 fan de PvdA list, mar sy krige rom 5.000 foarkarstimmen. Yn 2012 stelde hja har kandidaat as fraksjefoarsitter fan de PvdA yn de Twadde Keamer. Dizze striid waard wûn troch Diederik Samsom. By de keamerferkiezings letter dat jier helle hja rom 16.000 foarkarstimmen. Sy stimde as ienigste lid fan de PvdA fraksje yn 2013 tjin de oanskaf fan de Joint Strike Fighter. Ek wie hja it ienigste keamerlid dat by de ynauguraasje fan kening Willem Alexander de belofte ôflei yn it Frysk. Yn 2017 ferliet hja de lanlike polityk.

By de ferkiezings foar de weryndielde gemeente Ljouwert yn 2013 wie hja listtriuwer foar de PvdA. Sy krige foldwaande foarkarstimmen, mar gong net yn de ried. By de gemeenteriedsferkiezings yn novimber 2017 wie hja listlûker. Hoewol’t de PvdA der yn it hiele lân striemin foar stûn, ferlear de partij yn Ljouwerd mar ien sit en bleau hja mei alve sitten de grutste partij. Lutz Jacobi is keazen ta fraksjefoarsitter fan de PvdA yn de gemeente Ljouwerd.

Op 1 maaie 2018 waard Jacobi direkteur fan de Waadferiening[1].

Prizen[bewurkje seksje | boarne bewurkje]

Yn juny 2009 waard Jacobi troch Natuermonuminten útroppen ta de 'grienste politikus fan Nederlân' fan 2009. Neffens Natuermonuminten pykte se boppe kollega's út wat har krewearjen foar de natuer oanbelange. Yn de Twadde Keamer frege hja ûnder mear omtinken foar de ekologyske haadstruktuer, natuerûnderrjocht, duorsume fiskerij, greidefûgelbehear en better oerlis tusken natuer- en ekonomyske organisaasjes. Yn 2012 krige se dy titel nochris.[2]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. Lutz Jacobi wordt nieuwe directeur Waddenvereniging, omrop Fryslân 29 maart 2018
  2. Groenste Politicus 2012, kollumn Lutz Jacobi op Wergea.com, 28 juny 2012

Keppeling om utens