Kolonel

Ut Wikipedy
Gean nei: navigaasje, sykje

In kolonel is in haadofsier fan hege rang yn 'e nasjonale kriichsmacht fan in soad lannen. Dizze rang komt foar by de lânmacht, de loftmacht, de maresjesee en de mariniers. De ekwivalinte rang by de marine is kaptein-op-see, wylst yn guon lannen de ekwivalinte rang by de loftmacht groepskaptein is. De oansprektitel fan in kolonel is "kolonel". De boppelizzende rang is brigadegeneraal of, yn legers dy't de rang fan brigadegeneraal net kenne (sa't yn in grut diel fan East-Jeropa it gefal is), generaal-majoar. Dêrmei is kolonel de heechste haadofsiersrang. Direkt ûnder de kolonel stiet de luitenant-kolonel, dat in soarte fan legere gradaasje fan kolonel is.

Etymology[bewurkje seksje | boarne bewurkje]

It wurd 'kolonel' stammet út it Latyn, fan columnella, dat "pylderke" of "lytse kolonne" betsjut. As rang ûntstie it yn it tiidrek fan 'e Renêssânse yn Itaalje, mei as oarspronklike betsjutting "ofsier dy't in kolonne oanfiert". Dêrby wiene der earst twa foarmen fan it wurd yn omrin, 'kolonel' en 'koronel', dy't trochinoar brûkt waarden. Uteinlik wûn de foarm 'kolonel' it yn 'e measte talen, mar 'koronel' libbet noch fuort yn it Ingelske colonel, dat nettsjinsteande de stavering mei in l, útsprutsen wurdt mei in r: ['kʌɹnəl], likernôch: "kurn'l".

Skematysk oersjoch[bewurkje seksje | boarne bewurkje]

Oersjoch fan 'e kolonelsrangen mei ekwivalinten yn oare kriichsmachtûnderdielen:

lânmacht
en mariniers
marine loftmacht
kolonel kaptein-op-see kolonel
of groepskaptein
luitenant-kolonel kaptein-luitenant-op-see luitenant-kolonel
of wing commander

Yn 'e Nederlânske kriichsmacht[bewurkje seksje | boarne bewurkje]

(oansprektitels kursyf werjûn)

Keninklike Lânmacht (KL) Keninklike Marine (KM) Keninklike Loftmacht (KLu) Keninklike Maresjesee (KMar)
NATO rang OF-5
Nl-landmacht-kolonel.svg kolonel
kolonel
Nl-marine-vloot-kapitein ter zee.svg kaptein-op-see
kolonel
(by it Korps Mariniers: kolonel)
Nl-luchtmacht-kolonel.svg kolonel
kolonel
Nl-marechaussee-kolonel.svg kolonel
kolonel
NATO rang OF-4
Nl-landmacht-luitenant kolonel.svg luitenant-kolonel
oerste
Nl-marine-vloot-kapitein luitenant ter zee.svg kaptein-luitenant-op-see
oerste
(by it Korps Mariniers: luitenant-kolonel)
Nl-luchtmacht-luitenant kolonel.svg luitenant-kolonel
oerste
Nl-marechaussee-luitenant kolonel.svg luitenant-kolonel
oerste

Sjoch ek[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.