Klaeiterpstermole

Ut Wikipedy
(Trochwiisd fan Klaaiterpstermûne)
Jump to navigation Jump to search
De Klaeiterpstermole yn 2010

De Klaeiterpstermole is in poldermole en ryksmonumint yn 'e buorskip Klaeiterp by it doarp Easterwierrum yn de gemeente Littenseradiel.

De Klaeiterpstermole is in net mealreeë Amerikaanske wynmotor fan it merk Hercules, type Metallicus. Hy waard makke troch de Vereinigte Windturbine Werke AG yn Dresden en ymportearre troch hannelsmaatskippij Stokvis en Soannen út Rotterdam. De mole mei 30 blêden, dy't mear as in kilometer benoardeasten Easterwierrum oan in opfeart fan de Swette stiet, waard yn 1918 of 1920 setten foar it bemeallen fan de Mantgumerpolder. Hy hearde by de fiif Amerikaanske wynmotors, dy't as ferfangers fan 58 tradysjonele wynmoles mei inoar it gebiet fan it eardere wetterskip De Easterwierrumer Aldfeart bemealle moasten.

Yn 2008 wie de mole, dy't swiere stoarmskea oprûn hie, foar in part demontearre. It Wetterskip Fryslân, dat de mole yn eigendom hat, wol him lykwols opnij bouwe. De wynmotor is net iepen foar publyk.

Sjoch ek[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: