Katwyk-Noard

	Katwyk-Noard ; Katwijk-Noord
	Flats yn Katwyk-Noard
	Bestjoer
Lân	Nederlân
Provinsje	Súd-Hollân
Gemeente	Katwyk
	Sifers
Ynwennertal	13.330 (2022)
	Oar
Postkoade	2221
Netnûmer	071
Tiidsône	UTC +1
Simmertiid	UTC +2
Koördinaten	52° 13' NB 4° 25' EL
	Kaart
	;

Katwyk-Noard (Katwijk-Noord) is ien fan de offisjele kearnen yn de gemeente Katwyk yn 'e Nederlânske provinsje Súd-Hollân. It plak hat likernôch 13.330 ynwenners.

Beskriuwing

Katwyk-Noard is de noardlikste kearn fan 'e gemeente Katwyk. De gemeente beskôget it as de fyfde kearn fan 'e gemeente. Ear't de kearn de namme Katwyk-Noard krige, foel er ûnder it plak Katwyk oan See en hiet Hoornes-Rijnsoever, besteande út 'e nei-oarlochske wiken Hoornes en Steenoven, Riinsoever-West en Rijnsoever-East, yndustrygebiet 't Heen en de nijbouwyk Park-Rijnsoever.

Rijnsoever wie foar de oanbou noch bolle- en lânbougebiet fan de gemeente Noardwyk oant it yn de 1970-er jierren troch Katwyk anneksearre en folboud waard. Oant 1965 wie Hoornes in eardere polder.

Katwyk-Noard leit tusken de Alde Ryn en it terrein fan de ESTEC, it ûndersykssintrum fan de ESA. Hoornes bestiet út nei-oarlochske heechbou, wêrûnder trije toerflats. Rijnsoever dêrfoaroer is in grien wyk mei grûnbûn wenten. De provinsjale wei N206 rint troch it plak dêr't yndustrygebiet 't Heen eastlik fan leit.

Yn Katwyk-Noard binne twa tsjerken fan 'e herfoarme gemeente Katwyk oan See.

Galery

Katwyk-Noard, noardlik fan de Ryn, mei lofts de Noarddunen en rjochts yndustryterrein 't Heen. Lofts boppe is de ESTEC te sjen.
Hoornes/Kalkoven, foto fan 1970. Foto van Rykstsjinst foar it Kultureel Erfgoed.
Hoornes foar de oanbou fan Rijnsoever fan 1968 fan ien fan de trije yn oanbou wêzende toerflats. Foto: Cees van der Niet
Utsjoch út de eardere mêst op de Rijnflat wei, 58 m hichte op Katwyk-Noard (east) (Hoornes-east), 02-02-1981. Foto: Cees van der Niet
Panorama út de Rijnflat wei op in part fan it eardere Hoornes (1995), wêrûnder twa fan de trije toerflats.
De Julianabrêge met Seehynderkes fan A. Stauthamer en in 'toerflat' op 'e eftergrûn. Oan 'e ein fan 'e brêge, begjint Katwyk-Noard te sjen oan it wite komboerd.