Katedraal fan de Berte fan de Hear (Novokûznjetsk)

Ut Wikipedy
Katedraal fan de Berte fan de Hear

Собор Рождества Христова

bouwurk
lokaasje
lân Ruslân
lânsdiel Kemerovo Oblast
plak Novokûznjetsk
bysûnderheden
type bouwurk Katedraal
boujier 2000-2011
boustyl Eklektisme mei eleminten fan pseudo-Russyske styl
offisjele webside
Side fan de katedraal

De Katedraal fan de Berte fan de Hear (Russysk: Собор Рождества Христова) yn de súd-Sibearyske stêd Novokûznjetsk, Ruslân, is in otterdokske tsjerke dy't boud waard ta oantinken fan de 67 mynarbeiders, dy't omkamen by in mynramp yn 1997.

Skiednis[bewurkje seksje | boarne bewurkje]

Op 2 septimber 1997 fûn yn de regio Kemerevo yn de Zirjanovsk-myn in eksploazje fan metaangas plak. By dizze ramp kamen 67 minksen om. De doedestiidske premier Viktor Tsjernomyrdin ûnthiet de famyljes te helpen en jild beskikber te stellen foar de bou fan in otterdokske tsjerke ta neitins fan de slachtoffers. Yn oerlis mei de regionale, gemeentlike en religieuze autoriteiten waard it beslút nommen it momumint op lange termyn te kombinearjen mei it seminaarje fan Novokûznjetsk.

Yn it begjin fan it jier 2001 waard begûn mei de bou, mar nei 11 moannen moast it wurk dellein wurde fanwegen brek oan jild. Yn 2008 naam de gûverneur fan Kemerevo, Aman Tûlejev, it ynisjatyf om yn it ramt fan in oerienkomst mei de nije biskop it projekt wer op te pakken. Op 19 augustus 2010, op it otterdokske feest fan de Transfiguraasje fan de Hear, waarden de acht fergulde koepels mei de krusen konsekrearre en teplak set. It type fan de grutte koepel is fan de haadkoepel fan de Katedraal van Kristus de Ferlosser yn Moskou. Yn de klokketoer kamen njoggen klokken te hingjen dy't yn de Oeral getten waarden.

Tagelyk mei it lizzen fan de earste stien foar in bygebou fan it monumint waard yn april 2011 ek úteinset mei it beskilderjen fan de tsjerke mei fresko's en it oanbringen fan moazaïken fan Sergius fan Radonezj en Sint-Barbara.[1] De fiif ferdjippings tellende ikonostase befettet mear as 120 ikoanen. Yn de tsjerke binne de 15.500 nammen fan alle slachtoffers yn de Kûsbass sûnt 1920 oanbrocht.

Yn 2012 fûn der foar it earst in tsjinst yn de tsjerke plak. Op 25 augustus 2013 waard de tsjerke troch Kirill, de patriarch fan Moskou en hiel Ruslân, mei de rite fan de grutte konsekraasje ynwijd.[2]

De katedraal jout plak oan likernôch 2.500 leauwenden en is de grutste katedraal fan it aartsbisdom Kûsbass.

Keppeling om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. patriarchia.ru
  2. patriarchia.ru