Joop Boertjens

Joop Boertjens
politikus
nasjonaliteit	Nederlânsk
bertedatum	1948
berteplak	Swol
etnisiteit	Frysk
partij	VVD
Gemeenteriedslid yn Súdhorn
amtsperioade	1986 - 1990 1994 - 2002
Deputearre fan Grinslân
amtsperioade	2000 - 2003
Boargemaster fan Winsum (wnd.)
amtsperioade	2004
foargonger	Adri Dees
opfolger	Yvonne van Mastrigt
Wethâlder yn Delfsyl
amtsperioade	2006 - 2010
Boargemaster fan Ljouwerteradiel
amtsperioade	2011 - 2017
foargonger	Eric ter Keurs
opfolger	funksje ferfallen

Joop Boertjens (Swol, 1948) is in Nederlânsk politikus fan de VVD.

Biografy

Boertjens waard berne yn Swolle mar groeide op yn Snits en Langwar. Nei de HBS yn Snits studearre er sosjale geografy oan de Ryksuniversiteit Grins. Dêrnei waard er yn Grins dosint ierdrykskunde; earst op in gymnasium en dêrnei op de hegere lânbouskoalle. Hy hat in pear jier sekretaris west fan de Groninger Maatschappij van Landbouw dy't letter opgie yn it NLTO (Noordelijke land- en Tuinbouw Organisatie) dêr't Boertjens it brocht hat ta sekretaris-ponghâlder.

Oant 2011 wie Joop Boertjens wethâlder yn de gemeente Delfsyl. Dêrfoar wie Boertjens waarnimmend boargemaster fan de gemeente Winsum en deputearre fan de provinsje Grinslân. Op 1 maart 2011 waard er as opfolger fan Eric ter Keurs waarnimmend boargemaster fan de Fryske gemeente Ljouwerteradiel. Doe't dy gemeente op 1 jannewaris 2018 opgie yn de gemeente Ljouwert einige syn boargemasterskip.

Sjoch ek

• List fan boargemasters fan Ljouwerteradiel

Boarnen, noaten en/as referinsjes:

"Boertjens waarnemer Leeuwarderadeel" De Weekkrant Fryslân, 8 febrewaris 2011