John Bowring
Sir John Bowring (Exeter, 17 oktober 1792 - Claremont ûnder Exeter, 23 novimber 1872) wie ûnder mear in Ingelske radikale politikus, hannelskenner, polyglot, reizger, romantysk dichter en 4e gûverneur fan Hong Kong.
Libben en wurk[bewurkje seksje | boarne bewurkje]
Bowring wie in soan fan in lekkenfabrikant yn Exeter en wurke ynearsten yn it bedriuw fan syn heit. Letter besocht er as reizgjend keapman it grutste part fan it Jeropeesk kontinint. Troch it sammeljen en betûft oersetten fan âldere en nijere folkslieten út hast alle parten fan Jeropa krige er in beskate bekendheid.
Fryslân[bewurkje seksje | boarne bewurkje]
Yn oktober 1828 wie er yn Fryslân en moete doe ûnder oaren jonkhear Aebinga fan Humalda, dûmny Rinse Posthumus (by wa't er útfanhûs wie), Eeltsje Halbertsma en it selskip Constanter. Yn febrewaris 1829 besocht er de Universiteit fan Grins.
Hy skreau reisbrieven en (nuveraardige) artikelen oer Fryske literatuer mei Ingelske oersettings. Hy krige swierrichheden foaral nei it partij kiezen foar de Belgyske Opstân.
Literêr wurk[bewurkje seksje | boarne bewurkje]
- Specimens of the Russian Poets (1821–1823)
- Peter Schlemihl, a German Story (Oersetting, 1824)
- Batavian Anthology (1824)
- Ancient Poetry and Romances of Spain (1824)
- Hymns (Partikuliere útjefte, 1825) Mei de hymnen In the cross of Christ I Glory, en Watchman, Tell Us Of The Night, dy't noch yn tsjerke brûkt wurde.
- Specimens of the Polish Poets (1827)
- Serbian Popular Poetry (1827)
- Language and Literature of Friesland (1829)
- Poetry of the Magyars (1830)
- Cheskian Anthology (1832)
- Bentham's Deontology (Editor, 1834). Volume I, Volume II
- Minor Morals (1834)
- Manuscript of the Queen's Court (1843)
- The Decimal System in Numbers, Coins and Accounts (1854)
- The Kingdom and People of Siam (1857)
- Oersettingen fan de Hongaarske dichter Alexander Petofi (1866)
- Oersettingen fan Frysk literêr materiaal
- Ferskate oare pamfletten
|
Ofbylden dy't by dit ûnderwerp hearre, binne te finen yn de kategory John Bowring fan Wikimedia Commons. |
| Boarnen, noaten en/as referinsjes: |
|
Brouwer, J.H., en oaren (red.), Encyclopedie van Friesland, Amsterdam: Elsevier 1958, Bowring, John.
|