Jacobus Q. Smink
Jacobus Q. Smink | ||
![]() | ||
persoanlike bysûnderheden | ||
echte namme | Jacobus Quiryn Smink | |
nasjonaliteit | ![]() | |
berne | 31 jannewaris 1954 | |
berteplak | Sondel (Fryslân) | |
etnisiteit | ![]() | |
wurk | ||
taal | Frysk | |
sjenre | poëzij, oersettings | |
bekendste wurk(en) |
Sondelfal (poëzij) It Achterhûs (fert.) De Lytse Prins (fert.) | |
prizen | Gysbert Japicxpriis 2013 | |
jierren aktyf | 1983 – no | |
offisjele webside | ||
www.jimladream.com |
Jacobus Quiryn Smink, mear bekend as skriuwersnamme Jacobus Q. Smink (Sondel, 31 jannewaris 1954) is in Nederlânske dichter en oersetter, waans wurk yn it Frysk publisearre wurdt.
Eftergrûn[bewurkje seksje | boarne bewurkje]
Smink, soan fan in bekende Fryske hynstefokker, groeide op yn syn berteplak Sondel. Hy studearre Nederlânsk oan de Ryksuniversiteit Grins. Dêrnei ferhuze hy nei it suden fan Nederlân. Sûnt 1983 wennet hy yn Eindhoven, dêr't hy oan in middelbere skoalle Nederlânsk en kommunikaasje dosearret.
Dichter[bewurkje seksje | boarne bewurkje]
Al op skoalle skreau Smink songteksten, al wie it doe noch yn it Nederlânsk en yn it Ingelsk. Neidat hy yn syn stúdzjetiid de Fryske dichter Tsjêbbe Hettinga kennen leard hie, ûntduts hy dat er leaver yn it Frysk skreau. Yn 1972 debutearre hy as Jacob Smink yn it doe krekt oprjochte literêre tydskrift Hjir, mei in koart ferhaal (Hwa wit) en in gedicht (Leaf famke). Yn 1983 joech hy yn eigen behear de gedichtebondel Apàrte fersen út. Twa jier letter ferskynde by de Koperative Utjouwerij de bondel Wurk fan de achtste dei, Sminks earrste "offisjele" bondel.
Yn Sminks wurk, dat bytiden sletten, mar ek wol suggestyf en boartlik is, is in wichtige rôle weilein foar froulju (famkes en dochters). Syn gedichten skaaimerke harren troch in nearne mei klam oanwêzige, mar dochs kleare eroatyske ûndertoan, dy't in bepaalde spanning oanjout. Troch resinsinten waard oer syn wurk ûngelyk tocht. Eppie Dam skreau yn 1994 oer de yn datdelde jier ferskynde bondel Lingerich tekstyl & swarte side: "Alles wat sa karakteristyk is foar syn poëzij sit deryn: kronkeljende ideeën, yntrigearende dwersferbannen, eigensinnige formules, fernuftige neologismen, wanstaltige konstruksjes, steurend gebabbel, irritante kryptokokken. Mar wat der noch by komt: de superieure achteleasheid fan tafallichheden. As hie er noat foar dien en joech de Muze it har beminde yn de sliep." Albertina Soepboer dêrtsjin wie yn 1995 fan betinken:"Smink mist de subtiliteit om echt oer erotyk te skriuwen. Wat hy aan erotyk suggereart, wurdt faak yn de folgjende regel alwer teneate dien".
Oersetter[bewurkje seksje | boarne bewurkje]
Smink sette ferskate boeken oer yn it Frysk, wêrûnder It Achterhûs fan Anne Frank, Le Petit Prince fan Antoine de Saint Exupéry, Die Geschichte von Herrn Sommer fan Patrick Süskind en Smoarge Piter fan Heinrich Hoffmann. Ek sette hy Astrid Lindgrens Ronja Rövardotter oer ta Ronja Rôversdochter, dat hy bewurke ta in toanielstik dat yn 2000 en 2001 opfierd waard troch Tryater.
Oare literêre aktiviteiten[bewurkje seksje | boarne bewurkje]
Smink is sûnt 1975 redakteur fan Hjir, wêryn't hy ek geregeld publisearret. Boppedat is hy lid fan it bestjoer fan Hispel, de stifting dy't Hjir útjout.
Wurk[bewurkje seksje | boarne bewurkje]
Poëzij
- 1983: Apàrte fersen
- 1985: Wurk fan de achtste dei
- 1988: Foar de famkes
- 1991: Mei beide lippen
- 1992: Freonskrift
- 1994: Lingerich tekstyl & swarte side
- 1995: Minskegedichten
- 2009: Sondelfal
- 2013: Adams apel
- 2015: Tongermolke
Oersettingen
- 1995: It Achterhûs (Het Achterhuis, Anne Frank)
- 1999: De Lytse Prins (Le Petit Prince, Antoine de Saint-Exupéry)
- 2000: Smoarge Piter (Der Struwwelpeter, Heinrich Hoffmann)
- 2000/2001: Ronja Rôversdochter (Ronja Rövardotter, Astrid Lindgren)
- 2001: It ferhaal fan de hear Simmer (Die Geschichte von Herrn Sommer, Patrick Süskind)
- 2006: Myn lytse oarloch (Mijn kleine oorlog, Louis Paul Boon)
Priis[bewurkje seksje | boarne bewurkje]
- 2013: Gysbert Japicxpriis foar syn dichtbondel Sondelfal (2009)
Keppeling om utens[bewurkje seksje | boarne bewurkje]
Boarne[bewurkje seksje | boarne bewurkje]
- Oppewal, Teake, e.a. (red) (2006) Zolang de wind van de wolken waait. Geschiedenis van de Friese literatuur. Amsterdam: Bert Bakker. ISBN 90-351-3017-0
- Tresoar, Frysk Histoarysk en Letterkundich Sintrum - Smink, Jacobus Quiryn
- It Fryske Boek - Jacobus Q. Smink (1954)
- Friese literatuerside fan Jelle van der Meulen - Jacobus Quiryn Smink
- Noorderbreedte (2002), 1 - Siks C.S. Jacobus Q. Smink
- Webstee Jacobus Quiryn Smink
- Frysk ûnderwizer
- Frysk tydskriftredakteur
- Frysk bestjoerder
- Frysk dichter
- Skriuwer yn it Frysk
- Frysk oersetter
- Oersetter nei it Frysk
- Nederlânsk ûnderwizer
- Nederlânsk tydskriftredakteur
- Nederlânsk bestjoerder
- Nederlânsk dichter
- Nederlânsk oersetter
- Nederlânsk persoan fan Frysk komôf
- Persoan berne yn Sondel
- Persoan berne yn 1954