Jaap Rusticus

	Jaap Rusticus
	keunstner
	persoanlike bysûnderheden
nasjonaliteit	Nederlânsk
berne	31 maart 1913
berteplak	Bûtenpost
stoarn	14 augustus 1972
stjerplak	Ljouwert
etnisiteit	Frysk
	wurkpaad
wurksum as	skilder, byldhouwer, fertsjintwurdiger
jierren aktyf	1928 - 1972
	offisjele webside
	RKD-profyl

Jacob Rusticus, meast Jaap Rusticus neamd, (Bûtenpost, 31 maart 1913 - Ljouwert, 14 augustus 1972) wie in fertsjintwurdiger, keunstskilder, grafikus en byldhouwer út Bûtenpost.

Biografy

Jaap Rusticus wie in soan fan slachter Ykele Rusticus en Geertje van der Linde. Hy wurke ynearsten by syn heit yn de saak. Nei't dy oernaam waard troch in broer, gie Rusticus yn 1942 oan it wurk as fertsjintwurdiger by stienhouwerij Klaas de Vries yn Bûtenpost. ^[1] Hy hie niget oan keunst, mar de tekenkursus by de Maatschappij tot Nut van't Algemeen boeide him net. ^[2]

Hy krige les fan Jo Kloek en Herman Dijkstra (1904-1976) ^[3] Mei Klaas Koopmans, ek in learling fan Kloek, Pier Feddema, Sjoerd Huizinga en Jan Frearks van der Bij rjochte er yn 1948 de keunstnersgroep Yn'e Line op. Sy eksposearren as groep ûnder oare yn de Mangelgang yn Grins (1952) en de Prinsetún yn Ljouwert (1954). ^[4] Mei in tal oare keunstners, ûnder wa Chris Fokma, Jentsje Popma en Jan Murk de Vries wiene, foarmen sy yn de twadde helte fan de jierren 50 de nije groep It Frysk Palet. Ek wied er lid fan it Boun fan Fryske kunstners.

Rusticus bleau wurkjen by de stienhouwerij en wie yn syn frije tiid aktyf as keunstner. As byldhouwer wie er autodidakt; hy makke yn 1954 syn earste wurk fan in stien dy't er op stienhouwerij fûn. Under de tochten dy't er as fertsjintwurdiger makke, makke er in soad sketsen, dy't er letter útwurke ta houtfiken of yn semint. ^[5] Dêrneist makke er ûnder oare doopfonten, lito's, mozaieken, skilderijen, skulptueren, sgrafitto en wandskilderingen.

Yn augustus 1972 wie Rusticus mei fakânsje op It Amelân. Hy rekke swier ferwûne by in wynhoas op Kemping Duinoord en ferstoar in oantal dagen letter yn it Sint Bonifatius Hospitaal yn Ljouwert. ^[6]^[7] Hy waard 59 jier.

Galery

Kar-út:

De zaaier (1969), Bûtenpost
It Hynder (Bûtenpost)
Eens brachten de moeders hun kinderen

Boarnen, noaten en referinsjes

Boarnen, noaten en/as referinsjes:

Brouwer, J.H., en oaren (red.), Encyclopedie van Friesland, Amsterdam: Elsevier 1958, Rusticus, Jacob.

↑ "Beeldhouwer Rusticus 'n provinciale figuur?", Nieuwe Provinciale Groninger Courant, 19 desimber 1964.
↑ "Jaap Rusticus, kunstenaar", De Binnenste Buitenpost., 1215.
↑ P.M.J.E. Jacobs (2000) Beeldend Benelux : biografisch handboek. Tilburg: Stichting Studiecentrum voor Beeldende Kunst. ISBN 90-805707-1-0. Fol. 5, s. 212.
↑ G. Struiksma, "Debuut van Yn 'e Line verdient de aandacht", Friese koerier, 22 oktober 1954.
↑ "JAAP RUSTICUS: steenverkoper, graficus, kunstschilder, beeldhouwer en houtsnijder : Zwerftochten door Friesland leveren schetsboeken vol", Ljouwerter Krante, 16 jannewaris 1960.
↑ "Jaap Rusticus uit Buitenpost derde slachtoffer Ameland", Leeuwarder courant, 14 augustus 1972.
↑ Timo Jepkema, "50 jaar na de windhoos: "Het centrum van de windhoos kwam over ons tenthuisje heen"", Omrop Fryslân, 1 juli 2022.

[1] "Beeldhouwer Rusticus 'n provinciale figuur?", Nieuwe Provinciale Groninger Courant, 19 desimber 1964.

[2] "Jaap Rusticus, kunstenaar", De Binnenste Buitenpost., 1215.

[Jacobs-3] P.M.J.E. Jacobs (2000) Beeldend Benelux : biografisch handboek. Tilburg: Stichting Studiecentrum voor Beeldende Kunst. ISBN 90-805707-1-0. Fol. 5, s. 212.

[4] G. Struiksma, "Debuut van Yn 'e Line verdient de aandacht", Friese koerier, 22 oktober 1954.

[5] "JAAP RUSTICUS: steenverkoper, graficus, kunstschilder, beeldhouwer en houtsnijder : Zwerftochten door Friesland leveren schetsboeken vol", Ljouwerter Krante, 16 jannewaris 1960.

[6] "Jaap Rusticus uit Buitenpost derde slachtoffer Ameland", Leeuwarder courant, 14 augustus 1972.

[7] Timo Jepkema, "50 jaar na de windhoos: "Het centrum van de windhoos kwam over ons tenthuisje heen"", Omrop Fryslân, 1 juli 2022.

[1]

[2]

[3]

[4]

[5]

[6]

[7]