Noardwâlde (De Fryske Marren)

Noardwâlde, ek: Igewâlde of De Wâlde, is fan âlds in streeknamme foar de doarpen Aldegea, (it eardere) Nijegea, Kolderwâlde en Ealahuzen en omkriten, dy't mei-inoar foarhinne it part fan Himmelumer Aldefurd foarmen dat east fan De Fluezen lei. Fan 1984 oant 2014 hearde it gebiet by Gaasterlân-Sleat en sûnt 2014 makket it ûnderdiel út fan 'e gemeente De Fryske Marren. De namme komt ek foar as Noortwolde, Noordwolde, Noerdwolden en Noeirdwalde. Hy sil dus fanút in súdliker lizzend bewenning ûntstien wêze. De fariant 'Igewâlde' komt fan Ige Galema dy't as bynamme 'It Wâldswyn' hie.

Sjoch ek

• Fryske doarpen, buorskippen en delsettings

Boarnen, noaten en referinsjes

Boarnen, noaten en/as referinsjes:

Brouwer, J.H., en oaren (red.), Encyclopedie van Friesland, Amsterdam: Elsevier 1958, Igewâlde. Grutte Provinsje Atlas Fryslân, Wolters-Noordhof Altlasproduksjes / Afûk, 2000 Karel F. Gildemacher, "Friese Plaatsnamen", Ljouwert, Friese Pers Boekerij 2007, Noordwolde