De hierkwabben (Latynske namme: Cyaneidae) foarmje in famylje fan 'e stamme fan 'e netteldieren (Cnidaria), de klasse fan 'e skiifkwabben (Scyphozoa) en it skift fan 'e flachbekkwabben (Semaeostomeae). Dit is groep fan tige grutte kwabben, dy't twa skaaien omfiemet, Cyanea (de echte hierkwabben) en Desmonema, mei yn totaal sa'n tweintich ûnderskate soarten. Oarspronklik hearde ek it skaai Drymonema ta dizze famylje, mar dat is ferpleatst nei in eigen famylje, Drymonematidae, op grûn fan yngeander ûndersyk, dêr't út bliken die dat de soarten út dat skaai net sa nau besibbe binne oan 'e hierkwabben as dat earder tocht waard.
