Herfoarme tsjerke (Elspeet)

Ut Wikipedy
Jump to navigation Jump to search
Herfoarme tsjerke

Hervormde kerk

2010-04-18 15.08 Elspeet, kerk foto3.JPG
lokaasje
lân Flag of the Netherlands.svg Nederlân
provinsje Flag of Gelderland.svg Gelderlân
gemeente Coat of arms of Nunspeet.svg Nunspeet
plak Elspeet
adres Nunspeterweg 5
bysûnderheden
type bouwurk Tsjerke
boujier 16e iuw
boustyl Let-goatysk
monumintale status Monumentenbordje 2014.svg ryksmonumint
monumintnûmer 30847
webside Side fan de tsjerklike gemeente

De Herfoarme tsjerke is it tsjerkegebou fan de herfoarme gemeente Elspeet-Vierhouten yn Elspeet yn de provinsje Gelderlân. De gemeente is oansletten by de Protestanske Tsjerke yn Nederlân en hat in otterdoksk-grifformearde sinjatuer. [1]

Skiednis[bewurkje seksje | boarne bewurkje]

De doarpstsjerke fan Elspeet is in yn de 16e iuw letgoatysk bouwurk mei in trijesidich koer. De ienskippige tsjerke waard yn de 19e iuw ferboud en útwreide yn deselde styl. Yn 1990 binne de dwersskippen nochris fergrutte, sa't it tal sitplakken hjoeddedei op 1050 útkomt. It koer fan de tsjerke is wyt bepleistere.

De fúzje fan de Nederlânsk Herfoarme Tsjerke mei de Grifformearde Tsjerken yn Nederlân en de Evangelysk-Lutherske Tsjerke ta de Protestanske Tsjerke yn Nederlân brocht lykas op oare plakken in skuorring yn de herfoarme gemeente fan Elspeet. In grut diel fan de gemeente gyng net mei en sleat har oan by de Hersteld Herfoarme Tsjerke. Oant de foltôging fan syn nije tsjerke oan de Vierhouterweg bleau de Hersteld Herfoarme gemeente gebrûk meitsjen fan de doarpstsjerke.

Ynterieur[bewurkje seksje | boarne bewurkje]

It ynterieur fan de tsjerke is diels 17e-iuwsk. Dat jildt foar de preekstoel, dielen fan de banken en de kroanluchters. In grêfsark stamt út 1612.

Yn de toer hingje trije klokken, dêr't de âldste fan yn 1612 getten waard. De twa oare klokken stamme út 1659.[2]

Oargel[bewurkje seksje | boarne bewurkje]

Op woansdei 19 july 1989 naam de herfoarme tsjerke in nij meganysk piipoargel yn gebrûk, dat boud is troch de firma Hendriksen en Reitsma út Nunspeet. Oarspronklik wiene hja fan doel it ynstrumint achter it 19e-iuwske front fan it oargel fan Henrich Christiaan Haffmans op te bouwen, mar it waard in hiel nij front wêrby't de âlde foarm respektearre waarden.[3]

Keppeling om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: