Harkemaske Boys

Ut Wikipedy
(Trochwiisd fan Harkemase Boys)
Jump to navigation Jump to search
Harkemase Boys
Oprjochte 26 juny 1946
Plak De Harkema
Stadion Sportpark De Bosk
Kapasiteit 5.000
Tal fjilden 5
Foarsitter Albertus Boonstra
Trener Tieme Klompe
Kompetysje Tredde difyzje
Teamkleuren Teamkleuren Teamkleuren
Teamkleuren
Teamkleuren
Thúskleuren
Teamkleuren Teamkleuren Teamkleuren
Teamkleuren
Teamkleuren
Utkleuren

Harkemase Boys, mei as bynamme De Harkiten, is in fuotbalferiening fan De Harkema. De fuotbalferiening waard stifte op 26 juny 1946 en spilet sûnt 2016 yn de sneons Tredde Difyzje, it twad heechste amateurnivo fan Nederlân. De Harkemase Boys spylje harren thúswedstriden op it Sportpark de Bosk.

Yn 2003 waard de Harkemase Boys foar it earst kampioen yn de Haadklasse C, it doetiidske heechste amateurnivo. It meast súksesfolle seizoen út de klupskiednis wie it seizoen 2008/2009, wêryn't de klup kampioen waard fan de Haadklasse C en Distriktsbeker Noard wûn. Dy lêste priis waard ek yn 2006, 2007, 2011, 2013 en 2015 wûn.

Skiednis[bewurkje seksje | boarne bewurkje]

Stifting en earste jierren (1946 - 1952)[bewurkje seksje | boarne bewurkje]

De fuotbalferiening Harkemase Boys waard stifte op 26 juny 1946 by in gearkomste fan fuotballeafhawwers yn de naaiskoalle oan de Tsjerkestrjitte yn De Harkema. Dêrfoar wie al besocht om yn it doarp in fuotbalferiening te stiften dy't op sawol sneons as sneins spylje soe. Dit slagge lykwols net, omdat by de gearkomste hjiroer net genôch foarstanners fan it sneonsfuotbal oanwêzich wienen. Mei in advertinsje yn de regionale krante De Feanster waard al genôch animo fûn foar in sneonsferiening.

Oars as in soad oare sneonsferienings hat Harkemase Boys gjin leauwige ynslach.

Al gau nei de stifting fan de Harkemase Boys wienen der súksessen. Der ploech begûn yn de Twadde Klasse FVB, wêryn't twa kear efter elkoar it fjirde plak behelle waard. Yn it tredde jier nei de stifting, it seizoen 1948/1949, waard de klup foar it earst kampioen, wêrtroch't de Boys promovearren nei de Earste Klasse FVB. Nei in tredde plak yn it earste jier yn de Earste Klasse einige Harkemase Boys it seizoen dêrnei op it heechste plak, sûnder in wedstriid te ferliezen. De klup slagge der lykwols net yn te promovearjen, omdat de promoasjewedstriden tsjin DWP fan Sint Jansgea net wûn waarden. Mar yn it tredde seizoen yn de Earste Klasse, fuotbaljiergong 1951/1952, slagge de klup der lykwols al yn om te promovearjen. Yn de kompetysje einige de klup wer boppe-oan en yn de promoasjewedstriden tsjin Makkum wie Harkemase Boys de sterkste.

Haadklasse (1997 - 2010)[bewurkje seksje | boarne bewurkje]

Yn 1997 waard Harkemase Boys mei ien punt foarsprong op ONS Snits kampioen fan de Earste Klasse E, wêrtroch't de klup foar it earst promovearre nei de Haadklasse C, it op dat stuit heechste fuotbalnivo fan Nederlân. De Harkema wist him de neikommende jierren goed stân te hâlden yn dy klasse. Mei trije 7e plakken en in 8e plak die de ploech yn de earste fjouwer jier knap mei yn de middenmoat fan de Haadklasse. Nei in minder jier yn it seizoen 2001/2002, Harkema waard 11e, makke de feriening it seizoen dêrop it oant dat stuit bêste jier út de skiednis troch. Under trainer Sjoerd Jan Eppinga waard de klup yn Wezep tsjin WHC kampioen yn de Haadklasse C. Yn it Algehiel Amateurkampioenskip koenen de Boys gjin fúst meitsje: mei trije likespullen en ien nederlaach is Harkema de minste yn in pûl fan trije.

Yn de jierren nei dit kampioenskip bleau Harkemase Boys meidwaan yn de top en subtop fan de Haadklasse C, mar yn it seizoen 2006/2007 gie it op de kop ferkeard. In tige rûzich jier, wêryn't de klup trije trainers, Willem Weening, Fritz Korbach en Pieter Bijl, fersliet, waard mei in 13e plak yn de kompetysje ôfsletten, wat direkte degredaasje nei de Earste Klasse E betsjutte. Yn de Earste Klasse die bliken dat de Harkiten ûnder de nije trainer Henk de Jong fierstente sterk wienen foar de konkurrinsje. Mei 60 punten (20 oerwinnings en 2 kear ferlern) en in doelsaldo fan 87 doelpunten foar en 22 tsjin waarden de Boys mei 19 punten foarsprong kampioen. De Harkemase Boys kearen sadwaande nei ien jier ôfwêzigens alwer werom op it heechste nivo. Njonken it kampioenskip yn de Earste Klasse E koe Harkemase Boys ek foar it earst de Distriktsbeker Noard op de earelist byskriuwe.

Werom yn de Haadklasse C sette Harkemase Boys de goeie prestaasjes troch. Mei oermacht, in foarsprong fan 11 punten, waarden de Harrekiten kampioen. Opfallend genôch wurdt de klup ek diskear kampioen yn Wezep tsjin WHC. Yn de striid om it Algehiel Kampioenskip komme de Boys út tsjin de kampioenen fan de twa oare sneonshaadklassen, Rijnsburgse Boys en IJsselmeervogels. Ek dizze kear koe Harkemase Boys net op tsjin it geweld út de Haadklasse A en B. Mei ien oerwinning en trije nederlagen waarden de Boys lêste yn de pûl. Lykas yn it jier hjirfoar wûn Harkemase Boys de striid om de Distriktsbeker Noard.

Fuotbaljiergong 2009/2010 stie foar Harkemase Boys yn it ramt fan promoasje nei de nij te foarmjen Topklasse. Mei in twadde plak yn de kompetysje slagge de klup dêr ryklik yn.

Topklasse (2010 - 2012)[bewurkje seksje | boarne bewurkje]

By de ynfier fan de Topklasse as nije heechste amateurklasse fan Nederlân wie Harkemase Boys ien fan de 32 klups dy't nei dizze difyzje promovearren. It wie de ienichste Fryske klup dy't dat jier op dit nivo útkaam. Yn it earste jier fan de Topklasse einigen de Harkiten op it tsiende plak. It twadde jier yn de Topklasse wie in stik dreger foar de Friezen. It jier wie sels sa min dat de Boys belies jaan moasten en degradearren nei de Haadklasse C.

Werom yn de Haadklasse (2012 - 2016)[bewurkje seksje | boarne bewurkje]

Mei âld-spiler Willem Brouwer as nije trainer en âld-trainer Sjoerd Jan Eppinga as assistint wie de start fan it earste seizoen ûnder dit duo dreech. Harkemase Boys wûn nul kear yn harren earste sân kompetysjewedstriden. Dêrnei gie it wat better draaien, mar de ploech kaam net fjirder as de middenmoat. Wol helle Harkemase Boys foar de sechsde kear de bekerfinale. Dêryn wie grutte rivaal SC Genemuiden de tsjinstanner. Harkemase Boys wûn de finale yn Snits mei 3-2 en pakten sa foar de fyfde kear yn de kluphistoarje de beker.

It twadde seizoen ûnder Brouwer en Eppinga ferrûn yn de kompetysje in stik better. Harkemase Boys einige as twadde, achter Genemuiden. Brouwer waard dêrnei opfolge troch Jan Vlap, Eppiga bleau assistint. Op 14 maaie 2016 waard Harkemase Boys ûnder lieding fan Vlap en Eppinga kampioen fan de Haadklasse C. De Harkiten wûnen de útwedstriid tsjin Flevo Boys mei 6-1 en wienen dêrmei op de slotdei fan de kompetysje wis fan promoasje. It wie de tredde titel yn de haadklasse foar Harkemase Boys, nei't se yn 2003 en 2009 ek kampioen yn de klasse waarden.[1] Jan Vlap naam nei de titel ôfskied.

Tredde Difyzje (2016 - no)[bewurkje seksje | boarne bewurkje]

Troch de promoasje kaam Harkemase Boys yn de Tredde Difyzje, de ferfanging fan de eardere Topklasse (oant seizoen 2014/15). Yn it earste seizoen ûnder lieding fan Henk Herder einigen de Harkiten as achtste, mar de ploech pakte al in perioadetitel. Dêrtroch die Harkemase Boys mei oan de neikompetysje om promoasje nei de Twadde difyzje. Yn de earste omgong wûn Harkemase Boys noch fan UNA, mar yn de finale wie FC Lisse te sterk. Yn it seizoen 2017/2018 einige Harkemase Boys as tolfde. Nei dat seizoen waard Herder opfolge troch Tieme Klompe.

KNFB Beker[bewurkje seksje | boarne bewurkje]

De Harkemase Boys hawwe yn it ferline ferskate kearen meidien oan de KNFB beker foar profesjonele fuotbalklups. De earste kear wie yn it seizoen 1999/2000, doe't Harkemase Boys yndield waard yn in pûl mei de profklups SK Cambuur Ljouwert en FC Emmen en amateurferiening FF Snits. De Harriten slaggen der lykwols net yn by de earste twa te einigjen om troch te gean nei de folgende omgong. Ek yn de bekerkompetysje fan 2001/2002 kamen de Boys net troch de pûlfaze.

Sûnt it seizoen 2003/2004 is de pûlfaze skrast út it skema fan de KNVB Beker. Yn de earste omgong dat jier kaam Harkemase Boys út tsjin WHC, mar dy wienen yn De Harkema te sterk. It jier dêrop spile Harkemase Boys yn de earste omgong in útwedstriid tsjin De Graafschap. De klup út de Efterhoek wie mei 4-0 te sterk foar de Harkiten. Ek yn it seizoen 2005/2006 (Vitesse), 2006/2007 (Argon) en 2007/2008 (RKVV Roosendaal) waard Harkemase Boys al yn de earste omgong útskeakele.

Yn de KNFB Beker fan 2009/2010 kamen de Boys foar it earst troch de earste omgong hinne nei in oerwinning op RKSV Groene Ster út Heerlerheide. Foar de twadde omgong waard Harkemase Boys keppele oan Earedifyzjeklup Feyenoord. Thús op sportpark De Bosk ferlearen de Boys foar it each fan 5.500 taskôgers mei 0-5. Yn de bekerkompetysje fan 2011/2012 moasten de Boys yn de twadde omgong thús tsjin betellefuotbalklup Willem II út Tilburch. Nei ferlinging wûn Harkemase Boys mei 4-2. In de tredde omgong waarden de Boys koppele oan SK It Hearrenfean. Yn it Abe Lenstra stadion wie de thúsklup op 25 oktober 2011 mei 6-1 te sterk.

Ploegen[bewurkje seksje | boarne bewurkje]

Senioaren[bewurkje seksje | boarne bewurkje]

De Harkemase Boys hawwe seis senioare-alvetallen: fiif manljusteams en ien frouljusteam. De haadmacht fan de klup spilet yn de Tredde Difyzje, it fjirde nivo fan Nederlân. It twadde komt út yn de reserve haadklasse út, it tredde en fjirde team spylje yn de reserve tredde klasse en it fiifde yn de reserve fiifde klasse. De frouljusploech spilet yn de 5e klasse.

Junioaren[bewurkje seksje | boarne bewurkje]

De jeugdôfdieling fan Harkemase Boys wie fan 2012 oant 2017 tegearre mei dy fan Harkema-De Pein ûnder de namme Jong Harkema. Fan it seizoen 2017/2018 ôf spilet de jeugd wer yn it read-wyt ûnder de namme Harkemase Boys.

Akkommodaasje[bewurkje seksje | boarne bewurkje]

De Harkemase Boys spylje harren thúswedstriden op it Sportpark de Bosk, dat plak jout oan 5.000 minsken. It sportpark hat in sittribune oan de westkante fan it fjild mei 450 oerdekte sitplakken. Oan de eastkante stiet in oerdekte steantribune, dy't plak jout oan 2.500 minsken. It kluphûs stiet njonken it haadfjild. It is yn 2005 ferboud en hat de namme 'Dyksicht' krigen. De klup hat ek noch twa oare fjilden, twa trainingsgebieten. Op sportpark De Bosk leit ek in keunstgersfjild. Dat dielt Harkemase Boys mei Harkema-De Pein en mei kuorbalklup KF Harkema.

Earste alvetal[bewurkje seksje | boarne bewurkje]

Seleksje 2018/2019[bewurkje seksje | boarne bewurkje]

Rêchnûmer Namme Posysje Seizoenen by Harkemase Boys
1 flagge fan Nederlân Erick Jansema Doelman 6
2 flagge fan Nederlân Willem Huizing Ferdigener 1
3 flagge fan Nederlân Jens Jurn Streutker Ferdigener 3
4 flagge fan Nederlân Iloba Achuna Ferdigener 1
5 flagge fan Nederlân Joris Voest Ferdigener 1
6 flagge fan Nederlân Joep Jansman Ferdigener 1
7 flagge fan Nederlân Kevin Mennega Middenfjilder 2
8 flagge fan Nederlân Pier Veldman Oanfaller 2
10 flagge fan Nederlân Johnny de Vries Middenfjilder 5
11 flagge fan Nederlân Jari Slort Oanfaller 1
12 flagge fan Nederlân Jouke Bosje Doelman 2
15 flagge fan Nederlân Simon IJzerman Middenfjilder 5
16 flagge fan Nederlân Henny Bouius Middenfjilder 6
17 flagge fan Nederlân Mark Bruintjes Ferdigener 1
18 flagge fan Nederlân Robert Stelpstra Oanfaller 5
19 flagge fan Nederlân Jochem van Putten Oanfaller 1
20 flagge fan Nederlân Noureddine Boutzamar Middenfjilder 1
21 flagge fan Nederlân Jesse Renken Ferdigener 6
22 flagge fan Nederlân Dennis van Duinen Middenfjilder 2
24 flagge fan Nederlân Berwout Beimers Oanfaller 2

Technyske staf[bewurkje seksje | boarne bewurkje]

Haadtrainer
Tieme Klompe
Assistint-trainer
Klaas Schotanus
Ploechlieders
Hans van Deursen, Aize Spinder
Doelmannetrainer
Remco van der Veen

Prestaasjes[bewurkje seksje | boarne bewurkje]

Kompetysje[bewurkje seksje | boarne bewurkje]

De Harkemaske Boys spylje sûnt it seizoen 1946/1947 yn kompetysjeferbân. De resultaten sûnt dat seizoen steane yn ûndersteande tabel:[2]

Jier Difyzje Posysje
1946/47 Twadde Klasse FVB 4
1947/48 Twadde Klasse FVB 4
1948/49 Twadde Klasse FVB 1
1949/50 Earste Klasse FVB 3
1950/51 Earste Klasse FVB 1
1951/52 Earste Klasse FVB 1
1952/53 Fjirde Klasse A 3
1953/54 Fjirde Klasse A 4
1954/55 Fjirde Klasse A 1
1955/56 Tredde Klasse 1
1956/57 Tredde Klasse 3
1957/58 Tredde Klasse 6
1958/59 Tredde Klasse 3
1959/60 Tredde Klasse 6
1960/61 Tredde Klasse 2
1961/62 Tredde Klasse 5
1962/63 Twadde Klasse C 10
1963/64 Twadde Klasse C 9
1964/65 Twadde Klasse C 13
1965/66 Twadde Klasse D 3
Jier Difyzje Posysje
1966/67 Twadde Klasse D 10
1967/68 Twadde Klasse D 5
1968/69 Twadde Klasse E 2
1969/70 Twadde Klasse E 3
1970/71 Earste Klasse B 8
1971/72 Earste Klasse B 9
1972/73 Earste Klasse B 11
1973/74 Twadde Klasse D 5
1974/75 Twadde Klasse D 1
1975/76 Earste Klasse A 8
1976/77 Earste Klasse B 2
1977/78 Earste Klasse B 4
1978/79 Earste Klasse B 3
1979/80 Earste Klasse B 14
1980/81 Twadde Klasse E 9
1981/82 Twadde Klasse E 5
1982/83 Twadde Klasse E 10
1983/84 Twadde Klasse E 11
1984/85 Tredde Klasse A 4
1985/86 Tredde Klasse A 5
Jier Difyzje Posysje
1986/87 Tredde Klasse A 1
1987/88 Twadde Klasse E 6
1988/89 Twadde Klasse E 7
1989/90 Twadde Klasse E 12
1990/91 Tredde Klasse A 4
1991/92 Tredde Klasse A 7
1992/93 Tredde Klasse A 3
1993/94 Tredde Klasse A 1
1994/95 Twadde Klasse E 2
1995/96 Twadde Klasse E 7
1996/97 Earste Klasse E 1
1997/98 Haadklasse C 7
1998/99 Haadklasse C 7
1999/00 Haadklasse C 8
2000/01 Haadklasse C 7
2001/02 Haadklasse C 11
2002/03 Haadklasse C 1
2003/04 Haadklasse C 5
2004/05 Haadklasse C 2
2005/06 Haadklasse C 4
Jier Difyzje Posysje
2006/07 Haadklasse C 13
2007/08 Earste Klasse E 1
2008/09 Haadklasse C 1
2009/10 Haadklasse C 2
2010/11 Topklasse 10
2011/12 Topklasse 13
2012/13 Haadklasse C 9
2013/14 Haadklasse C 2
2014/15 Haadklasse C 3
2015/16 Haadklasse C 1
2016/17 Tredde Difyzje 8
2017/18 Tredde Difyzje 12
2018/19 Tredde Difyzje

Earelist[bewurkje seksje | boarne bewurkje]

Haadklasse C (3×)

2003, 2009, 2016

Earste klasse E (2×)

1997, 2008

Twadde klasse (1×)

1975

Tredde klasse A (3×)

1956, 1987, 1994

Fjirde klasse C (1×)

1955

Eearste klasse FVB (2×)

1951, 1952

Twadde klasse FVB (1×)

1949

Distriktsbeker Noard (6×)

2006, 2007, 2009, 2011, 2013, 2015

Klaaiïng[bewurkje seksje | boarne bewurkje]

De klupkleuren fan de Harkemase Boys binne read mei wyt. Dizze kleuren komme ek werom yn de klaaiïng fan de ploegen. De klaaiïng bestiet út in read shirt, wite broek en reade sokken. Op it boarst stiet in wite 'V'.

Supportersferiening[bewurkje seksje | boarne bewurkje]

De Supportersferiening fan de Harkemase Boys waard stifte op 20 febrewaris 1970. Mei likernôch 500 leden is it ien fan de grutste supportersferienings yn it amateurfuotbal.[3] De oanhing fan de Harkemase Boys wurdt ek wol "De Dyk" neamd.[4]

De feriening hâldt harren dwaande mei de organisaasje fan aktiviteiten, wêrûnder bingojûnen en famyljedagen, foar de oanhing en finansjele stipe foar de fuotbalklup sels. Ek is de supportersferiening ferantwurdlik foar de ferkeap fan de fanartikels.

Om thúswedstriden hinne wurdt it programboekje 'De Aftrap' fergees fuortjûn. Earder waard ek fjouwer kear yn it jier wurdt it klupblêd 'Fûgelkamp Nijs' ferspraat ûnder de leden. Dêryn stienen ûnder oare ynterviews, wedstriidferslagen en nijs oer de klup.

Yn 2013 waard Harkemase Boys TV yn it libben rôpen. Sûnt maart fan dat jier wurde alle wedstriden fan Harkemase Boys 1 yn syn gehiel fêstlein troch de klup sels en yn gearfetting nei bûten brocht. Ek wurde faak trainer en spilers ynterviewd.

Sponsers[bewurkje seksje | boarne bewurkje]

De Harkemaske Boys hawwe ien fan de grutste sakeklups yn it amateurfuotbal fan Nederlân.[5] Dizze sakeklup, de Stichting Sponsorgroep Harkemase Boys (SSHB) neamd, bestiet út likernôch 180 sponsers.[5]

Sûnt 2003 bestiet de 'Sponsorwervingcommissie', in kommisje dy't foarme is troch de SSHB en ta doel hat it "ynteressearjen fan nije bedriuwen om harren oan te sluten by de SSHB". Sûnt de stifting fan dizze kommisje is it tal sponsers waakse fan 130 yn 2003 oant goed 180 yn 2010. De kommisje wol besykje yn 2011 220 bedriuwen by de SSHB oansletten te krijen.[5]

Sponsers fan de Harkemaske Boys binne yndield yn in fjouwertal kategoryen, fan it wichtichst nei minst wichtich binne de katerogyren: Supersponser, Haadsponser-A, Haadsponser-B, Co-sponser en sponser. Al dizze sponsers kinne yn it sponserthús op de earste ferdjipping fan it kluphûs terjochte.

Haadtrainers[bewurkje seksje | boarne bewurkje]

De Harkemase Boys hawwe sûnt 1947 31 ferskate trainers hân, wêrfan't Willem Boomsma, Arp Hiemstra en Hendrik Mozes yn twa perioaden haadtrainer wienen. Hjirûnder stiet de folsleine list fan trainers sûnt de stifting fan de klup:[6]

Begûn Opholden Trainer Prizen
1946 1947 flagge fan Nederlân Willem Boomsma
1947 1948 flagge fan Nederlân Frans Bijker
1947 1951 flagge fan Nederlân Willem Boomsma Twadde klasse FVB (1949)
1951 1954 flagge fan Nederlân Henny Stelwagen Earste klasse FVB (1951, 1952)
1954 1959 flagge fan Nederlân Tjalling Delgrosso Fjirde klasse (1955), Tredde klasse (1956)
1958 1963 flagge fan Nederlân Hendrik Mozes
1963 1967 flagge fan Nederlân Arp Hiemstra
1967 1968 flagge fan Nederlân Arp Hiemstra / flagge fan Nederlân Hendrik Mozes
1968 1969 flagge fan Nederlân Teddy van der Horst
1969 1971 flagge fan Nederlân Jan van der Meer
1971 1973 flagge fan Nederlân Jan de Jong
1973 1975 flagge fan Nederlân Jan Roelofsma Twadde klasse (1975)
1975 1981 flagge fan Nederlân Jelte H. Postma
1981 1983 flagge fan Nederlân Roel Huitema
1983 1985 flagge fan Nederlân Kor de Jong
1985 1986 flagge fan Nederlân Klaas Kooistra
1986 1989 flagge fan Nederlân Gerrit de Vries Tredde klasse (1987)
1989 1991 flagge fan Nederlân Johannes Hoekstra
1991 1995 flagge fan Nederlân Jan de Wilde Tredde klasse (1994)
1995 1998 flagge fan Nederlân Klaus Roosenburg Earste klasse (1997)
1998 2001 flagge fan Nederlân Rinie Jurna
2001 2002 flagge fan Nederlân Arent Bekhof
2002 2004 flagge fan Nederlân Sjoerd Jan Eppinga Haadklasse (2003)
2004 2005 flagge fan Nederlân Luitzen Nijboer
2005 25 oktober 2006 flagge fan Nederlân Pieter Bijl Distriktsbeker Noard (2006)
26 oktober 2006 15 maaie 2007 flagge fan Dútslân Fritz Korbach
15 maaie 2007 1 juny 2007 flagge fan Nederlân Willem Weening (interim) Distriktsbeker Noard (2007)
2006 31 desimber 2010 flagge fan Nederlân Henk de Jong Earste klasse (2007), Haadklasse (2008), Distriktsbeker Noard (2009)
1 jannewaris 2011 28 maart 2011 flagge fan Nederlân Peter Meindertsma
28 maart 2011 27 jannewaris 2012 flagge fan Nederlân Wieb Rodenhuis Distriktsbeker Noard (2011)
5 desimber 2011 2012 flagge fan Nederlân Robert Herder (interim)
2012 2014 flagge fan Nederlân Willem Brouwer Distriktsbeker Noard (2013)
2014 2016 flagge fan Nederlân Jan Vlap Haadklasse (2016), Distriktsbeker Noard (2015)
2016 2018 flagge fan Nederlân Henk Herder
2018 no flagge fan Nederlân Tieme Klompe

Bekende (âld-)spilers en trainers[bewurkje seksje | boarne bewurkje]

Keppeling om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. Omrop Fryslân: Harkemaske Boys pakt titel op slotdei (sjoen op 15 maaie 2016)
  2. Voetbalnoord.nl (sjoen op 15 novimber 2010)
  3. Wat is de Supportersvereniging?, offisjele hiemside de Harkemaske Boys (sjoen op 3 novimber 2010)
  4. Over de club, offisjele hiemside Harkemaske Boys (sjoen op 3 novimber 2010)
  5. 5,0 5,1 5,2 Sponsorwervingcommissie, offisjele hiemside Harkemaske Boys (sjoen op 13 novimber 2010)
  6. Voetbalnoord.nl (sjoen op 17 novimber 2010)