Froskepôlemûne

	Froskepôlemûne
	mûne / mole
	De mûne yn 2022
	lokaasje
lân	Nederlân
provinsje	Fryslân
gemeente	Ljouwert
plak	Ljouwert
koördinaten	53° 11'N 5° 51'E
	bysûnderheden
type mûne	muonts
funksje	poldermûne
oarspr. gebrûk	Bemealling Huzumer en Goutumer Aldlân
flecht	17,80 meter
boujier	1860, 1962
	oare ynformaasje
eigner	Gem. Ljouwert
monumintale status	ryksmonumint
monumintnûmer	35675
	Webside
	FB-side Froskepôlemûne
	Kaart
	;

De Froskepôlemûne is in poldermole oan de súdeastlike râne fan Ljouwert.

Beskriuwing

De Froskepôlemûne, in mealreeë muonts, waard oarspronklik yn 1896 boud oan de Swette, dêr't er twa polders fan tegearre 350 ha bemealle: it 'Huzumer' en it 'Goutumer Nijlân'. Ynearsten waard er de "Swettemûne" neamd. De mûne krige selsswichting, hoewol't dy yn 1940 noch mar op ien fan de roeden siet. De houten achtkante mûne, op lege foet mei stiennen fjildmuorren, is dekt mei reid en hat in flecht fan 17,80 m.

De mûne, dy't yn 1958 troch de gemeente Ljouwert oankocht wie, moast op it âlde plak wike by de oanlis fan in yndustryterrein. Op 25 april 1962 waard er op twa dekskûten oer it Van Harinxmakanaal nei de tsjintwurdige lokaasje oerbrocht en dêr restaurearre. Hy bemeallet dêr sûnt dy tiid de fivers op it eilân.

Yn 1987/1988 waard de Froskepôlemûne foar it lêst restaurearre. De mûne is op ôfspraak te besichtigjen.