Fort Totten (Noard-Dakota)

Ut Wikipedy
Jump to navigation Jump to search
Fort Totten (Noard-Dakota)
De barakken fan it Fort Totten State Historic Site.
De barakken fan it Fort Totten State Historic Site.
Sifers
Ynwennertal 1.243 (2010)
Oerflak 22,9 km² (ynkl. wetter)
22,3 km² (allinnich lân)
Befolkingstichtens 54 / km²
Hichte 454 m
Polityk
Lân Flag of the United States.svg Feriene Steaten
Steat Flag of North Dakota.svg Noard-Dakota
County Benson County
Oar
Stifting 1867
Tiidsône UTC-6
Simmertiid UTC-5
Koördinaten 47°58′44″N
99°00′01″W
De lizzing fan Fort Totten yn 'e steat Noard-Dakota.

Fort Totten (útspr.: [fɔɹt 'tɔtn]) is in plak yn Benson County, yn it noardeasten fan 'e Amerikaanske steat Noard-Dakota. Hoewol't it net it haadplak fan 'e county is (dat is Minnewaukan), is it wol it grutste plak. Fierders is it ek it haadplak fan it Spirit Lake Yndianereservaat (Spirit Lake Indian Reservation), fan 'e Spirit Lake Stamme. Neffens gegevens fan 'e folkstelling fan 2010 lei it ynwennertal fan Fort Totten doe op goed 1.200 minsken.

Besjensweardichheden[bewurkje seksje | boarne bewurkje]

Yn Fort Totten is it Fort Totten State Historic Site ("Fort Totten Steatshistoarysk Plak") sitewearre. Dat is in fort dat yn 'e njoggentjinde iuw oanlein waard om 'e blanke kolonisten yn 'e krite te beskermjen tsjin oanfallen fan 'e Yndianen, en dat letter brûkt waard as in ynternaat foar Yndiaanske skoalbern. Deunby Fort Totten leit fierders it Sullys Hill National Game Preserve, in national wildlife refuge (natuergebiet mei in legere beskerme status as dy fan nasjonaal park), dat ynsteld is yn opdracht fan 'e Amerikaanske presidint Theodore Roosevelt. Der libje û.m. 20-30 bizons, 25-40 wapitys, 20-30 wytsturtharten en in koloanje prêrjehûnen.

Demografy[bewurkje seksje | boarne bewurkje]

Neffens gegevens fan 'e folkstelling fan 2010 wie doe fan 'e befolking fan Fort Totten 2,9% âlder as 65 jier en 49,4% jonger as 18 jier. Fierders bestie 13,0% fan 'e húshâldings út ien persoan, wylst 53,0% fan 'e befolking ûnder de earmoedegrins libbe (fan it befolkingssegmint ûnder de 18 jier sels 57,8%). Wat de etnyske opbou fan 'e befolking oangiet, dy wie yn 2000 sa: 98,8% Yndianen; 0,7% Latino's; 0,1% blanken; 0,1% swarten; 0,3% oaren of fan mingd etnysk komôf.

Sjoch ek[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.