Flagge fan Brantgum
De flagge fan Brantgum is de flagge fan it doarp Brantgum, yn de Fryske gemeente Noardeast-Fryslân. De flagge waard yn 1988 registrearre.
De doarpsflaggen fan 28 doarpen yn Dongeradiel binne op 28 jannewaris 1988 troch de gemeenteried fan de eardere gemeente Dongeradiel goedkard.
Beskriuwing
[bewurkje seksje | boarne bewurkje]De beskriuwing fan de flagge is:
Wyt, mei in reade broekskeanbalke fan in tredde flaggehichte en dêrop in giel pinsiel fan it wapen.
De kleuren komme út it wapen fan Brantgum.
Symbolyk
[bewurkje seksje | boarne bewurkje]- Reade skeanbaan: ferwiist nei de wearjende skeanbalke fan it wapen fan West-Dongeradiel, de gritenij en gemeente dêr't it doarp eartiidsk part fan wie. Ek stiet it foar de Dokkumerwei dy troch it doarp hinne rint.
- Pinsiel: ferwizing nei de skilder Ids Wiersma dy yn Brantgum berne is.
