Fermanje fan Holwert

Ut Wikipedy
Jump to navigation Jump to search
Fermanje fan Holwert
De earste stien yn de fermanje mei de nammen fan Hessel Jans Hesseling en Jan Gerlofs Jensma

De Fermanje fan Holwert is in monumintaal tsjerkegebou yn Holwert.

Al yn 1563 wie der praat fan in groep menniste ynwenners fan Holwert. Leenaerd Bouwens doopte yn dat jier 67 gemeenteleden en yn de perioade fan 1568 oant 1582 167 leden. Yn 1692 waard der in tsjerkegebou oan de Keningsstrjitte dêr yn gebrûk nomd. It hjoeddeiske tsjerkegebou is fan 1850. De foarside hat in Neoklassisistysk foarkommen mei in fronton op ioanyske pylders en is wyt beplastere. De efterlizzende tsjerke is fan bakstien en net beplastere. De earste stien waard yn 1850 lein troch Hessel Jans Hesseling en Jan Gerlofs Jensma. Beide manlju ferstoaren inkele jierren letter, efterelkoar 77 en 78 jier âld.[1]

Yn de perioade foar de bou fan de tsjerke wie Marten Martens predikant fan de menniste gemeente. Hy stie mear as 50 jier yn de gemeente fan 1798 oant 1849. It jier nei it einigjen fan syn funksje waarden der yn syn gemeente twa nije fermanjes boud, yn Holwert en yn Ternaard. Hy ferstoar twa jier letter yn 1852.

De tsjerke is erkend als ryksmonumint.

Boarnen, noaten en referinsjes[boarne bewurkje]

Boarnen, noaten en/as referinsjes:
  • Stenvert, Ronald (et al.) (2000) Monumenten in Nederland. Fryslân, útjouwerij Waanders, Swol[1]
  • Doopsgesinde gemeente Holwert, Blije en Ternaard: [2]

  1. Tresoar: Frysk Histoarysk en Letterkundich Sintrum