Fermanje (De Jouwer)

Ut Wikipedy
Jump to navigation Jump to search
Fermanje
Midstraat 70.JPG
lokaasje
lân Flag of the Netherlands.svg Nederlân
provinsje Frisian flag.svg Fryslân
gemeente De Fryske Marren wapen.svg De Fryske Marren
plak De Jouwer wapen.svg De Jouwer
adres Midstrjitte 70-72
bysûnderheden
type bouwurk Tsjerke
boujier 1824
oare ynformaasje
webside Side gemeente

De Fermanje oan de Midstrjitte is in mennistetsjerke op 'e Jouwer

Skiednis[bewurkje seksje | boarne bewurkje]

De mennistegemeente op 'e Jouwer ûntstie healwei de 16e iuw. Nei't de twa ferskillende gemeenten yn 1817 by inoar kamen ûntstie der in grutte gemeente. Op it plak fan de besteande tsjerke oan de Midstrjitte moast doe in nije tsjerke boud wurde, dy't yn septimber 1824 yn gebrûk nommen waard.

Yn 1863 waard de tsjerke ferboud. Yn 1955 wie der in restauraasje.

Beskriuwing[bewurkje seksje | boarne bewurkje]

It tsjerkegebou waard efter de roailine boud. De neoklassisistyske trijesidich sluten sealtsjerke hat in tútgevel mei pilasters en in timpaan. It ynterieur wurdt dekt troch in tûneferwurf. De preekstoel komt út de 18e iuw.

Foar de trijesidich ôfsletten sealtsjerke is in plein dat ôffrede wurdt mei in smei-izeren stek. Op de tútgevel stiet in iepen koepelfoarmige dakruter mei in wynwizer yn de foarm fan in laam. It gebou hat grutte rûnbôgeramen.

Oargel en preekstoel

Under it oargel stiet in iken kânsel dy't, krekt as de tekstbuorden, út de jierren 1750-1775 stamt. Boppe de tagong is in kreake.

Oargel[bewurkje seksje | boarne bewurkje]

It oargel yn'e tsjerke waard yn 1858 boppe de preekstoel boud troch L. van Dam en Soannen. It is opmerklik dat de kast fan it oargel deselde is as dy fan it Van Dam-ynstrumint fan de Lippenhúster tsjerke. De disposysje fan it oargel is yn 1979-1980 troch de firma Bakker & Timmenga yn de oarspronklike steat werom brocht. It oargel hat tsien registers ferdield oer ien manuaal en oanhongen pedaal.

Sjoch ek[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: