Fermanje (Berltsum)

Ut Wikipedy
Jump to navigation Jump to search
Berltsumer Fermanje
Fermanje, Berltsum.jpg
lokaasje
lân Flag of the Netherlands.svg Nederlân
provinsje Frisian flag.svg Fryslân
gemeente Waadhoeke vlag.svg Waadhoeke
plak Berltsum
adres Vermaningstrjitte 3
bysûnderheden
type bouwurk Tsjerke
boujier 1841
boustyl Neoklassisisme
oare ynformaasje
webside Side doperske gemeente, Berltsum

De Fermanje oan de Vermaningstrjitte is in dopersk tsjerkegebou yn Berltsum.

Skiednis[bewurkje seksje | boarne bewurkje]

Yn Berltsum wie al foar 1550 in doperske mienskip. De fermanje fan Berltsum datearret fan 1841 en ferfong doe in âldere skûltsjerke achter de Buorren 61. Grut hat de gemeente fan Berltsum lykwols nea west. Yn de Twadde Wrâldkriich loek it tal leden wat oan en it hichtepunt fan de gemeente wie yn 1960, doe't der 130 leden wiene. Dêrnei sakke it ledetal wer.[1]

It 165-jierrich jubileum fan de mennistegemeente yn 2006 wie de oanset foar in restauraasje fan de tsjerke. Om de tsjerke ek tagongkliker te meitsjen foar oare aktiviteiten waard der by dy gelegenheid in blok houten banken ferwidere.[2]

Oargel[bewurkje seksje | boarne bewurkje]

De minnisten fan Berltsum holden lang fêst oan in foarsjonger, mar yn 1916 krige harren tsjerke dochs noch in oargel achter in neogoatysk front. It ienmanualige oargel mei oanhongen pedaal wie yn de rin fan de tiid nea restaurearre, mar krige op't lêst jimmeroan mear mankeminten. It slagge de lytse gemeente yn 2015 genôch jild by inoar te krijen foar in restauraasje fan it doe hast 100-jierrige ynstrumint, dy't ûnder tafersjoch fan Theo Jellema troch Bakker & Timmenga útfierd waard. It oargel hat njoggen registers.[3]

Keppeling om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: