Elim

Elim
Lizzing fan Elim yn 'e gemeente Hoogeveen
Bestjoer
Lân	Nederlân
Provinsje	Drinte
Gemeente	Hoogeveen
Sifers
Ynwennertal	2.330 (1 jannewaris 2023)
Oerflak	13,12 km² (13,09 km² lân, 0,03 km² wetter)
Oar
Postkoade	7916
Netnûmer	0528
Tiidsône	UTC +1
Simmertiid	UTC +2
Koördinaten	52° 41' NB, 6° 35' EL
Offisjele webside
elim-drenthe.com
Kaart

Elim is in kolonistedoarp yn de gemeente Hoogeveen súdeastlik fan Hoogeveen en Hollandscheveld. It is kearn fan in grut gebiet mei fersprate bewenning oan in rjochthoekich strjittepatroan. It doarp hat 2.330 ynwenners en 886 wenten (1 jannewaris 2023).

Skiednis

Elim wurdt foar it earst neamd yn 1915. De namme is ûntliend oan it Alde Testamint. It is de oaze dêr't de Israeliten taholden nei harren tocht troch de Reade See. Yn it earstoan hjitte de koloanje Dwersgat, dêrnei Hollandsche Veld Zuidoost. De nammeferoaring hat te krijen mei de stichting fan in Herfoarme gemeente yn 1915.

Herfoarme PKN-tsjerke

Elim en omkriten is it risseltaat fan in lange ûntginningsoperaasje troch ûnder oare de Bentinck Kompanjy, de Hollânske Kompanjy en de Ritmaster's Kompanjy oan de ein fan de 18e iuw. Op de Frânske kaart (1811-13) steane harren besittings oanjûn. Atlassen út 1851-1900 tsjutte it hiele feangebiet besúdeasten Hoogeveen oant de grins mei Oerisel oan as (It) Hollânske Fjild.
Op de Brink stiet it byld fan de Pullefarder, dy't eartiids de molkbussen fan de boeren alle dagen nei it molkfabryk yn Hoogeveen brocht. Op pulledei, de earste tongersdei fan de moanne, gienen de boeren nei it fabryk om it pullejild op te heljen; dêrnei waarden ynkeapen dien op de feemerk en yn de winkels.

Nijsgjirrich

De skelnamme foar de ynwenners is: Elimiten.

Sport

De pleatslike fuotbalklub is SC Elim, de kuorbalklub hjit KV Elko.

Keppeling om utens

• Elim - Oase in Drenthe

Boarnen, noaten en/as referinsjes:

Drintske Ensyklopedy oer Elim